Revista AGO Montaña
Revista AGO Montaña
Djabièrnè último dosentenan di AGO Montaña a klousura aña den un ambiente ameno huntu ku e alumnonan. Durante di e selebrashon a tuma lugá boutismo di e promé edishon di Revista AGO Montaña.
Revista AGO Montaña ta un produkshon di alumnonan di klas 2A. Henter e preparashon pa produkshon di e revista a forma parti di e materia di kompetensia sosial i kòmpiuter. E alumnonan mes a pensa e tópiko edukativo ku nan kier a skirbi tokante di dje. Bou di guia nan a buska informashon riba Internèt òf a hasi entrevista ku personanan ku tin di haber ku e tópiko pa nan por skirbi nan artíkulo. Durante e proseso e dosente por a stimulá diferente kualidat entre otro disiplina, komunikashon, kurashi i rèspèt serka e alumnonan. Ku produkshon di Revista AGO Montaña e alumnonan a eksperiensha e balor di traha huntu i na final ku alegria nan a mira e resultado di nan trabou.