Tur tres restorant tin un spèshel djadumingu 18 di desèmber awor: KFC, Subway i Pizza Hut ta felisitá MCB ku nan 100 aña

Tur tres restorant tin un spèshel djadumingu 18 di desèmber awor:
KFC, Subway i Pizza Hut ta felisitá MCB ku nan 100 aña

WILLEMSTAD: Motibu sufisiente pa selebrá; 100 aña sirbiendo nos komunidat! Tur tres restorant di Hucor Holding N.V. ta djòin e selebrashon di MCB djadumingu 18 di desèmber awor. Riba e dia aki restorantnan KFC, Subway i Pizza Hut na Punda i Brionplein lo tin nan spèshel, pa huntu ku klientenan selebrá e aniversario 100! di Maduro & Curiel’s Bank (MCB), ku a prepará un grandioso aktividat.

Klientenan di Subway por probechá di e promoshon 100!-100! tantu na Brionplein i na Punda; un dushi Pastrami Sub di 6 inch kompañá pa un Subway Cup yená ku Iced Tea pa 10 florin inkluyendo OB i un ‘ring pop’ blou grátis. Ademas, e di kada 10 kliente ku kumpra e spèshel ta haña esaki grátis. KFC, tambe tin su spèshel; pa 100 depchi saboriá un Twister i un limonada di 20oz. E oferta di KFC ta vigente solamente na KFC Brionplein i na KFC Punda. Pizza Hut Brionplein no por keda afó; klientenan por risibí pa 10 florin i 100 sèn un personal pizza di 1 topping, mas un Pizza Hut Cup ku punch blou i pa koroná un kos di boka dushi- koló blou!

“Ta importante pa klientenan tuma nota ku e speshalnan ta únikamente vigente riba djadumingu 18 di desèmber 2016. E aniversario di MCB meresé wòrdu selebrá grandemente ta p’esei mes Kòrsou su restorantnan faborito ta djòin e aktividat djadumingu awor. Nos tur di Hucor Holding B.V. ta felisitá staff i personal di MCB ku nan di 100 aniversario. ”,esaki di akuerdo Sr. Randy Maurera. KFC, Subway i Pizza Hut ta invitá tur kliente pa djòin e selebrashon di MCB djadumingu awor for di 10’or di mainta; kayanan di Punda i Otrobanda lo keda transformá den un área di fiesta pa grandi i chikí. Lo tin músika bibu di diferente artista konosí, entretenimentu i hopi ambiente. Bishitá restorantnan KFC, Subway i Pizza Hut den Punda i Brionplein i probechá di e diferente spèshelnan!

kfc-mcb-100-anja-special

pizza-hut-mcb-100-anja-special

subway-mcb-100-anja

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: