KOMUNIKADO DI KUERPO POLISIAL KÒRSOU Tópiko: partisipashon di Departamento di Pèrmit.

komunikado-di-kuerpo-polisial-kc3b2rsou1.jpg

KOMUNIKADO DI KUERPO POLISIAL KÒRSOU
no.: 428 /2016
Fecha: 14 desèmber 2016
Tópiko: partisipashon di Departamento di Pèrmit.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
________________________________________

Departamento di Pèrmit di Kuerpo Polisial Kòrsou ta partisipá na tur persona ku ta den posishon di un pèrmit pa karga arma di aña 2016 ku for di 19 di desèmber ta bai kuminsá yama tur e personanan konserní pa asina tuma nan pèrmit válido pa aña 2017 .

E personanan ariba menshoná mester trese nan pèrmit di aña 2016, pa asina outomátikamente bini na remarke pa e pèrmit di 2017. Nan mester tene nan mes na e siguiente kondishonnan. • Mester proba ku tin un pèrmit pa aña 2016 • Mester presentá ku e arma pa kontrolá na Departamento di Pèrmit na Winston Churchillweg • Mester bini ku seyo na balor di e pèrmit di 2016 • Dos pasfoto resien saká. Pa esnan ku tin un pèrmit di arma pa krio di bestia lo haña un yamada pa pasa buska esaki na Warda di Polis Barber òf Montaña.

Personanan ku tin nan pèrmit pa aña 2016 i ta deseá di kambia nan arma mester trese un petishon por eskrito. Si e persona ta kumpli ku tur e kondishonnan, e kambio ta keda poné riba e pèrmit pa aña 2017. Pa esnan ku a hasi un petishon pa prolongashon i ku no ta den posishon di un pèrmit pa aña 2016 i ke kambia òf pone mas arma riba nan pèrmit lo haña un kontesta mas pronto ku ta posibel. Despues nan lo por tuma nan pèrmit di aña 2016 i 2017. Esaki ta konta tambe pa esnan ku pa promé bes a hasi un petishon pa karga arma den aña 2016.

Nos ke rekordá tur esnan ku ta kargadó di arma, ku na momentu ku nan ta riba kaminda públiko i nan tin nan arma den nan poder mester tin nan pèrmit di 2016 i 2017 huntu ku nan.

Ta pidi tur kargadónan di arma pa sòru pa nan ta presente riba e fecha i orario ku nan keda yama pa presentá na Departamento di Pèrmit di Polis.
Pa mas informashon por tuma kontakto ku e departamento konserní na number di telefòn 866-6101 / 866-6106 / 866-6107.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: