No por stòp di hasi tèst di Zika Gobièrnu mester pone prioridat

No por stòp di hasi tèst di ZikaGobièrnu mester pone prioridat

No por laga siudadanonan ku posiblemente ta infektá ku Zika keda sin bai hasi tèst na laboratorio. Esaki ta konklushon ku Parlamentario Eduard Braamt ta saka, despues di a tuma nota den prensa ku ta hibando un maneho kontradiktorio pa ku e malesa Zika. Gobièrnu mester fihá priori-dat i mester kubri e gastunan nesesario pa kada un siudadano ku posi-blemente ta infektá ku Zika, pa hasi tèstnan necesario. Importansia di e tèst ta pa registrá ken, pero tambe den ki área esnan infektá ta biba òf frekuentá mas tantu, pa asina por krea formulá pa kombatí esaki. Ta im-posibel i alabes insolito ku no ta tèst pa sa si un hende ta kosta arededor di 300 florin. Gobièrnu no kier paga esaki pero si ta hinka 5.6 mion den 4 aña pa lanta un universidat pa bachalor pa polis.
Braam ta urgi gobièrnu pa duna un klaridat riba e topiko aki i na mes momento indiká kua ta e áreanan ku tin mas hende infektá i kon por du-na mas informashon i prevenshon tokante di e virus Zika. Sabiendo esaki por krea un plan konkreto pa atendé ku e brote di sangura den áreanan aki. Ta konosí ku no ta mirando e trùknan ku ta spùit insektisida kontra di sangura mas riba kaya. Te ku resien e mashin aki tabata kibra. Mirando tambe e tantisimo awa ku a kai i ta keda para ta krea mas posibilidat pa e sanguranan por pone nan webunan. Tur esaki ta lansa hopi pregunta den komunidat. Braam kier sa konkretamente kiko ta e maneho di spùitmentu den barionan. Tambe ku ki supstansia ta spùit i si e spùit-mentu ta mata e sangura aki i su webunan.
For di hendenan infektá tin indikashon ku esaki ta tresiendo doló di wesu pero esaki no ta sigur ku ta Zika pues mester hasi e tèstnan nesesario pa e hende sa. Banda di esei mester sa si tur e dolónan aki kual ta kousa ku hopi hende no por presentá na nan boka di trabou ta relashoná ku Zika òf ta otro malesa. Tambe mester sa si esaki ta un situashon ku por krea hende ku desabilidat físiko.
E embergadura ta muchu grandi pa nos merkado laboral pa djis bisa ku ta stòp di hasi e pruebanan nesesario. Nos no mester lubidá e loke ku Kòrsou ya a pasa aden pa motibu di chikungunya.
Mirando k’e asuntu dje viro di Zika si por keda kategorisa komo un lopende zaak, Braam ta urgi e Minister deminsionario di Salubridat pa asumi su responsabilidat i interveni den e asuntu aki.