Imaginábu un ouditorio yena ku hendenan den ròlstul Hasiendo ehersisio huntu?


Imaginábu un ouditorio yena ku hendenan den ròlstul Hasiendo ehersisio huntu?

Willemstad, – Dia 3 di desèmber último tabata Dia Internashonal di Desabilidat. Poniendo atenshon na personanan ku ta usa ròlstul, Fundashon Alton Paas huntu ku Fuoco Restaurant tabata tin un kolaborashon pa por a akomodá algun hende ku ta usa ròlstul ku 2 kompañante pa pasa un anochi spesial komiendo ku nan ser kerí. Esaki ku e vishon pa stimulá mas hende den ròlstul partisipá den komunidat. Esei tambe ta e vishon ku e di 4 edishon di ‘The Annual Fitness Challenge’.

Fundashon Alton Paas ke inspirá tur persona ku ta usa ròlstul pa bin move ku nos den nan ròlstul den e siguiente Fitness Challenge riba 15 di yanüari 2017 na International School. Un persona ku ta usa ròlstul su reto di mas grandi ta keda den moveshon. Banda di tin ku atendé ku su emoshonnan dor di e difikultatnan ku e ta enkontra den su ròlstul, e mester atendé ku su kurpa mes pa evitá di haña otro komplikashonnan médiko i mantené su mes fit pa por partisipá den komunidat. Pa esei Fundashon Alton Paas a inkluí un seshon spesial den e siguiente Fitness Challenge spesial pa hendenan den ròlstul ku yama ‘Pump on Wheels’.

E instruktor Ruth Kroes tin diferente seshon di ehersisio ku e la yega di duna personanan den ròlstul. Ku e pensamentu ku hende ku ta usa ròlstul tambe por hasi ehersisio i tin derechi di move. Benefishinan di tipo di aktividatnan asin’aki pa e kurpa di e persona ku ta usa ròlstul por ta mihó sirkulashon di sanger den e kurpa, mihó kondishon di múskulonan, eseinan por asta kontribuí na mantenshon di e wesunan den e kurpa. Bida tin su difikultatnan kuné kaba i aserka e persona den ròlstul por ta mas vulnerabel na soledat i víktima di pensamentunan negativo. Partisipando den un grupo grandi den ròlstul huntu ku Fundashon Alton Paas i mas persona den ròlstul sigur lo hasi un impakto positivo i krea otro perspektiva di loke ta hendenan den ròlstul. E seshon spesial aki den e programa lo ta 9’or di mainta pa 9:45’or. E persona den ròlstul por partisipá na mas seshon si e ta desea. E karchi pa personanan den ròlstul ta 15 florin. Loke tin Fundashon Alton Paas asina entusiasmá kaba ta ku tin algun kompania ku ya kaba a koperá ku algun karchi ku algun persona den ròlstul por haña nan karchi grátis. Pa nan por haña nan karchi nan por tuma kontakto ku nos via di 5100087. Pa personanan ku ke kumpra karchi i partisipá, nan por pasa libremente na Mensing’s Caminada òf online via Tickets Caribbean.

dscf6348a

dscf6252a

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: