Elsa Rozendal di MAN: Kon aksesibel i efisiente departamentu di keho pa trahadó ta?

Elsa Rozendal di MAN: Kon aksesibel i efisiente departamentu di keho pa trahadó ta?

Durante reunion di Presupuesto 2017, Rozendal a mustra preokupashon pa situashonnan laboral ku ta keda al orden de dia. Asina e a trese un kaso dilanti kaminda un señora ku ta traha den un pakus, mester para durante su oranan di trabou praktikamente hinter dia riba su pianan. E no mag sinta ora ta ketu òf ora ku no tin kliente.

Den e kuadro ei e Parlamentario a hasi algun pregunta na e minister i ke sa kiko lei ta bisa riba esaki? Un persona mag para hinter dia riba su pianan? E ta algu ku ta reglá pa lei òf ta doño di e pakus mes ta pone e kondishonan laboral aki?

Departamentu di kòntról di ministerio di Labor ta hasi “routine check”, esta kana drenta un pakus òf ofisina i hasi kontròl? Si t’asina, kon frekuente esaki ta sosodé?

Den interkambio ku trahadonan Rozendal ta konklui ku mayoria no sa mes unda nan por akudí ora nan ke buska nan derechi òf duna un keho kontra di e doño di trabou.

E parlamentario a puntra si e departamentu di keho pa trahadó ta funshonando? Kuantu keho ta drenta pa dia of siman?
Kiko minister ta hasiendo pa konsientisá e trahadó p’e sa unda e por akudí?
E parlamentarió ta enfatisá ku kada trahadó tin deber pero ku e tin derechi tambe i ku e kaminda pa buska e derechi aki mester ta mas aksesibel i efisiente.

elsa-phsjul-2016-21
Elsa Rozendal
Parlamentario Frakshon MAN

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: