E restorant ta habrí te ku 31 di desèmber, 2016 pa públiko: Lo kuminsá ku remodelashon total di KFC Sta. Maria na yanüari 2017

E restorant ta habrí te ku 31 di desèmber, 2016 pa públiko: Lo kuminsá ku remodelashon total di KFC Sta. Maria na yanüari 2017

Willemstad- Desèmber- “KFC tin 7 filial na Kòrsou, pero e restorant na Sta. Maria tin algu spesial”, esaki di akuerdo ku Randy Maurera. E restorant na Sta. Maria ta na turno pa risibí su ‘facelift’ i ta sigur ku unabes tèrminá, klientenan lo keda enkantá kuné. E aña aki e restorant na Saliña a pasa dor di un remodelashon similar, i klientenan awor ta sinta den un restorant mas grandi i ‘trendy’. Awendia e restorant di KFC na Saliña ta realmente un mecca den e área, spesialmente pa tur ku ta deseá di sinta kome ku henter famia.

Christal De Lanooi, enkargá ku Development & Design ta masha kontentu ku e manera kon komunidat ta biba ku kada remodelashon. Esaki mes ta hasi ku pueblo di Sta. Maria por fèrwagt un otro diseño pa nan restorant. E lo no ta meskos ku esun na Saliña, esei ta sigur. “E diseño pa Sta. Maria tin un konsepto hopi moderno, ‘fresh’ pero einan mes nos a tene kuenta pa e ta dibertido, tambe lo inkluí algun efekto ku iluminashon LED. Similar ku KFC Saliña, lo ta e konsepto green ku nos ta aplikando na tur restorant.” Pronto e restorant lo ta mas amplio, ku un komedor mas grandi ofresiendo 106 mixed seating.

Entrante 31 di desèmber próksimo, KFC Sta. Maria lo sera porta pa 3 luna. E trayekto di remodelashon di KFC Sta. Maria lo mester keda kompletá na Mart 2017. E kompania di konstrukshon QCon lo ta esnan enkargá ku e remodelashon magno aki, ku lo bai resultá den un KFC mas grandi i mas moderno pa di e forma ei akapará e gran kantidat di kliente ku ta bishitá e restorant na Sta. Maria diariamente. Pa awòki ta invitá klientenan di KFC Sta. Maria pa bishitá e restorant na Colon òf Brievengat ku ta esnan mas serka. KFC tin 7 filial na Kòrsou, pues awòki ku Sta. Maria ta den remodelashon tin 6 otro filial stratégikamente ubiká; bishitá esun di mas serka dibo. * Tuma nota ku riba dia 31 di desèmber, KFC Sta. Maria ta habrí te ku 3’or di atardi. Felis dianan di fiesta!

Riba fotonan athuntu, e diseño di KFC Sta. Maria. E remodelashon lo ta klá den luna di Mart 2017.

J:KFCKFCC Sta.MariaTekeningenB-01 Model (1)

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: