‘ESNAN RESPONSABEL Y CULPABEL PA E CAOS/CRISIS NO POR TA PARTI DI E SOLUCION !

BENNY NISBET (PPA):
‘ESNAN RESPONSABEL Y CULPABEL PA E CAOS/CRISIS NO POR TA PARTI DI E SOLUCION !’
Aruba ta den un crisis financiero hopi serio mes causa pa mal maneho di parti di gabinete Mike Eman y nan ex ministro di Finanzas sr. Mike de Meza alias ‘the mess’ cual a crea e asina jama ‘debe nacional’. Na mes momento Aruba a conoce un desaroyo economico sumamente pober …por papia di un ‘standstill’ y hasta ultimamente di un atraso sin cu gab. Mike Eman durante di casi ocho anja di gobernacion por a brinda nos pueblo alternativa serio pa cu nos desaroyo economico. Den panico nan a dicidi di baha presencia di un refineria na un posibel upgrader cu te awe no a duna ni e inicio corda resultado. Aruba ta sufriendo consecuencia di e ‘hedging’ otro mas decision cu ta afecta kada hogar di nos Isla seriamente. Aruba a perde nos autonomia financiero cu Aruba a tabatatin desde 1954 amplia na 1986. Mientras cu Aruba ta funciona bao di supervision for di Corsow.
Realidad di bida ta cu esun directamente responsabel ta e entegrantenan di gab Mike Eman 1 y Mike Eman 2. Tambe responsabel por considera e miembronan di parlamento cu a duna sosten na e maneho descabeya aki. Tur ta responsabel pa e caos/crisis aki y pa e hecho di pueblo di Aruba ta sufri directamente bao di un racha di medida cu a worde impone pa paga e debe nacional crea pa gab. Mike Eman su maneho directo.
Realidad di bida ta ensera tambe cu Aruba a conoce un parlamento sumamente ‘zwak’ cu no por a controla gobernacion manera debe ser y ejecutando algun ‘eror’ serio a hasi nan mes responsabel pa e crisis financiero/economico di nos pais
Ta un realidad conoci cu na anja 2017 pueblo di Aruba lo bai urna electoral pa tuma un decision encuanto e futuro di nos pais Aruba esta kende lo goberna Aruba y kende lo ta representa pueblo den Staten pa controla gobernacion di Aruba na un forma responsabel.
Den e cuadra aki PPA a analisa nos declaracionan hasi durante di anja 2016 pa nos weita cual mensahe di PPA na pueblo tabata e mensahe ‘mas impactante’ y cual mensahe pueblo lo mester tene cuenta cunele durante anja 2017 completo. PPA ta di opinion cu nos declaracion, nos ponencia cu ‘Esnan responsabel pa e caos/crisis NO por forma parti di e solucion’ ta e mensahe cu cual pueblo lo mester tene debidamente cuenta cunele.
No larga esnan cu tabata directamente responsabel pa e caos/crisis aki forma parti di e solucion’ !
Den concepto humilde di PPA, pueblo lo mester busca criteria manera visionario, programa serio, , experiencia y preparacion pa scoge kende lo por forma parti di e futuro coalicion/gobierno aki.
Aruba, 27 di December 2016 Lider Politico di PPA
BENNY NISBET

This site uses Akismet to reduce spam. Learn how your comment data is processed.

error: Content is protected !!
%d bloggers like this: