Apertura di karnaval Banda Abou 2017


BAN BANDA BOU BIN

Pa medio di e karta aki, Fundashon Karnaval Banda Abou ta invitá henter pueblo di Kòrsou pa BAN BANDA BOU BIN na apertura di KARNAVAL BANDA ABOU.

E apertura ta
Dia: 8 yanüari 2017
Ora: 4or pa 10or
Lugá: Barber Sede di FKBB ( pegá ku edifisio di Roode Kruis), i riba un parti chikí Kaya Prospero Rojer, i riba parkeerplaats di MCB.

Lo tin un mini marcha di Karnaval ku lo sali pa 5or di atardi for di Marche na Barber i lo bin finalisá riba parkeerplaats di MCB.
Den e marcha aki lo desfilá nos Baluarte di Karnaval Banda Abou 2017, sra Frida Vrutaal kompañá pa tur e partisipantenan pa Reina Prens i Pancho 2017, tur eks karnavalistanan di Grupo Coca Cola ku lo Marcha ku Sra Frida Vrutaal, tambe gruponan ku a partisipá aña pasá den karnaval na Banda Abou i Korsou.
Henter Pueblo di Banda Abou i Kòrsou, bishitantenan amante di Karnaval ta keda invitá pa bin Marcha den e apertura aki.

Bin sera konosí ku e partisipantenan di reina, prens i panchonan hubenil i grandi den nan promé presentashon ofishal. E anochi aki entre 6or pa 7or reinanan i prens i pancho lo brinda pa e aña karnavalesko 2017. I pa esaktamente 7or lo eligí Reina Prens i Pancho Brindo 2017.

Tin un programa bon hinká den otro ku diferente shou di baile i brassband i shou di vuurwerk. Tambe pueblo tin oportunidat di por reservá karchi pa elekshon di reina, prens i pancho pa dia 11 febrüari 2017. Tambe pa festival di Tumba Banda Abou dia 18 febrüari 2017. I por reserva karchi pa sinta den tribuna SKINA KAYENTE dia 25 febrüari 2017 durante Marcha di Karnaval Banda Abou.

Tin Bar i tèntnan di kuminda.

Lo tin Músika na enkargo di Dj Bradley, I agrupashon musikal ERA.

BAN BANDA BOU BIN

apertura-di-katanaval-banda-bou-2017

Advertisements