“ FUNDACION DI PARTIDO P.O.R… TA PA SIRBI INTERES POLITICO DI AVP !!’

“ FUNDACION DI PARTIDO P.O.R… TA PA SIRBI INTERES POLITICO DI AVP !!’
E ultimo luna di 2016 tabatatin hopi desaroyo riba e tereno politico na Aruba cu a trece algun cambio dentro di e panorama politico arubano. No ta tur aspecto di e cambio aki a worde treci den e luz di realidad politico motibo pa cual PPA kier a duna e sigiente analisis.
Presencia di partido P.O.R ??
Partido P.O.R. a nace for di e necesidad y hamber pa poder esta pa A.V.P keda den gobierno di Aruba y ningun otro motibo. Mester comprende cu den seno di AVP nan ta analisa e situacion politico hopi tempo delanta y ora e no ta na nan fabor nan ta hasi kiko ta necesario pa ‘mata otro’ politicamente contal nan logra di goberna of keda den gobierno !! E hamber pa poder di AVP aki a pone cu den pasado AVP a logra ‘desmantela’ varios partido politico…hopi definitivamente….apesar cu PPA tambe a worde affecta pa ‘traicion’ stimula y guia pa AVP, PPA a keda existi como partido politico !!
AVP a conclui den su seno cu si nada no cambia e lo tabata casi sigur cu nan (AVP) lo NO regresa despues di e proximo eleccion !! Basa riba e realidad aki nan a sinta den nan seno y prepara un strategia pa garantisa regreso/permanencia di AVP den gobernacion na 2017….hasta si esaki lo mester nifica un kiebra por lo pronto contal e kiebra contribui na mantene AVP den gobernacion.
Pa tal motibo den AVP e ‘strategia’ a nace pa sr. Otmar Oduber bandona AVP y(punto 1) funda su propio partido cu a bira P.O.R. !! Punto no. 2 di e strategia lo tin como ‘strategia’ pa sr. Otmar Oduber hasi un maximo esfuerzo pa convenci sr. Andin Bikker(Dem Real) pa sacrifica Dem Real como organisacion politico y afilia su mes na e partido nobo esta P.O.R.!! Y manera pueblo por a mira sr. Andin Bikker a cay pa e strategia di AVP y a sacrifica su partido Dem Real y awor hopi ta cuestiona si e partido ta existi como organisacion politico ainda.
Punto no. 3 lo ensera pa busca candidato pa e lista combina aki cu NO mag sa e berdad ….cu mester kere cu nan ta forma parti di un ‘forza nobo’….pero den futuro nan lo mira di nan mes of nan lo worde participa unda e ‘interes’ di e ‘forza nobo’ realmente ta situa cu P.O.R. ta sirbi. Y esey ta cu AVP ‘cueste loke cueste’ lo mester keda forma parti di gobernacion arubano. Hasta no exclui cu den futuro partido P.O.R worde inclui bek den AVP ? E consecuencia pa AVP NO logra keda den gobierno di Aruba lo ta mucho ‘dramatico’ y kizas cu consecuencia dilanti di Justicia pa diferente cu a juda crea e caos/crisis arubano …pesey tanto ‘strategia’ tanto show politico pa mantene e poder di gobernacion aki …..mas leeuw cu ta posibel !! Punto no. 4 di e ‘protocol vocal’ entre AVP/Otmar nos lo menciona mas den e articulo aki.
Na unda esnan cu ta un poco ‘scerpi’ politico lo por mira esaki ?
Prome na e hecho cu contrario na otro salida di partido of di gobernacion …aki NO a mira un desenlace continuo cu ta papia di e eror cu a conduci na e desenlace !! Aki a critica un poco anto relativamente suave !! Na mes momento cu sr. Otmar Oduber a bai inmediatamente ‘over’ na forma su partido …un partido cu lo mester a worde funda primeramente fecha 1 di augustus 2016 !! Si …..anto kende lo mester tabata e fundador di e partido aki cu a worde funda despues……..!! Riba e concepto di e Statuten ta worde menciona Sr. Otmar Oduber…….(x) ministro di Aruba, sr Simon Arends, ‘consultant’ y un miembro di Staten di AVP cual su nomber a worde ‘geschrapt’. ‘So much’ pa esnan cu ta kana kere cu AVP lo no por a cai ?? Entodo caso si analisa cu e asina jama ‘vakminister’ sr. Arends ta jui homber di e primo/omo/concultant di sr. Otmar Oduber anto cu e a bira ministro cu otro palabra un ministerio a keda den man di famia arends/oduber …..esey ta bisa masha hopi mes. E entrada di sr. Otmar Oduber ora cu e mester di gobierno a worde garantisa por lo pronto. Esey den otro caso jamas politicamente lo worde accepta !! Y e ‘vakminister’ a declara cu e ta ‘vakminister’ pa un cierto cantidad di luna …cu otro palabra pendiente resultado di eleccion y re-engreso di sr. Otmar Oduber como P.O.R. den gobernacion di AVP bek !!!
Final di Dem Real ?
E meta di AVP pa mata Democracia Real como organisacion politico a worde debidamente logra cu e sacrificio di sr. Andin Bikker di su organisacion politico Dem Real !! No kabe duda cu un promesa di un posicion di Ministro sea Finanzas sea Justicia lo ta parti di e locual a tuma lugar entre sr. Otmar Oduber …sr. Andin Bikker …y sr. Mike Eman Lider di AVP !!! Ta futuro so lo demonstra esaki….si realmente nan strategia logra completamente !!
Segun PPA e futuro di Dem Real ta hopi cuestionable cu tur respet pa esnan di ‘Buena fe’ den seno di Dem Real. Con mr. Andin Bikkier siendo awor segundo Lider di partido P.O.R cu e mandato pa busca candidato politico pa e lista di P.O.R lo por keda miembro di un otro partido politico …nos no por comprende ???
Conclussion:
P.O.R. no ta un partido politico independiente….pero un partido politico cu tey pa sirbi interes di AVP !! Por lo pronto lo tin hopi ‘show’ politico ….algun clash entre P.O.R. y A.V.P. pa hasi como sifuera…..y pa influencia pueblo su pensamento den direccion di tanto P.O.R. como A.V.P. pero e meta final ta ‘union’ entre e dos organisacion politico aki. Esnan cu a bula riba e barco aki lo nota cu tempo cu e ‘barco’ aki no ta navega den ningun direccion ‘neutral y independiente’ pero e barco aki tin un meta ‘ajeno’ pa sirbi. Futuro lo demonstra con berdad e palabranan aki ta !!
Eleccion mas trempan ?
Un aspecto cu PPA kier menciona aserca ta locual PPA ta jama punto 4 di e ‘protocol vocal’ ta cu PPA no ta exclui cu eleccion dentro di e ‘strategia’ prepara entre AVP y sr. Otmar Oduber ta ensera cu lo mester tene cuenta pa un eleccion delanta cu e eleccion normal…..sr. Otmar oduber sabiendo esaki ..NO a perde tempo y a funda su partido y convence sr. Andin Bikkier inmediatamente……pasobra simpelmente mester prepara pa kizas april/mei y no September ..e ultimo aki ta den man di Min Pres Mike Eman cu ta ‘call the shots’ pero lo tene cuenta cu sr. Otmar Oduber/partido P.O.R. ta prepara pa esaki. Punto no. 4 aki di acuerdo Mike Eman/Otmar Oduber ta pa tuma majoria partido otro pa sorpresa y pone nan lomba contra muraya !!
PPA a sinti necesidad pa duna nos opinion al respecto !! Futuro lo demonstra cu nos analisis ta correcto !! Unico cos cu lo por stroba punto 4 lo ta e tempo cu e ta tuma pa solucion e problema cu a surgi entre P.O.R. y M.A.S. encuanto di color politico ?
Pesey PPA ta accentua nos posicion ‘masha cla’ mes………’ Esnan resonsabel pa caos/crisis pa cual nos pueblo ta sufri ….NO por ta forma parti di e soluccion’ !! PPA ta spera cu pueblo tene debidamente cuenta cu esaki y scoge e direccion di e principio menciona aki !! Pone un final na bagamunderia… pone un final na caos/crisis…..rechasa AVP/POR y elehi un ‘balansa di poder’ esta un coalicion……pero un coalacion cu no lo depende riba esnan responsabel pa e bagamunderia aki !!
No kabe duda cu presencia di P.O.R a cambia e panorama politico pero un pueblo bon informa, un pueblo na altura di e caos/crisis y e debe nacional cologa riba lomba di nos futuro generacionan lo sa di rechaza tanto AVP como nan ‘satelite’ P.O.R. !!!
Aruba, 2 di januari 2017 Lider Politico di PPA
BENNY NISBET
logoppa

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: