Petition government Statia to council of Ministers Of Kingdom of the Netherlands against embedding in the Dutch constitution
Na:Konseho di Ministernan di Reino Hulandes
Attn: Prome Minister, Honorario Mark Rutte
Den Haag, Hulanda.
Ref: 001/17
Fecha: 4 januari 2017
Topiko: petishon formal kontra ankramentu di entidat publiko Sint Eustatius den Konstitushon Hulandes
Estimado Senjor,
Pa ehekuta e moshon adhuntu di Konseho Insular fecha 30 november , e konseho ehekutivo ta presenta gobiernu di Hulanda ku e siguiente petishon formal.
Keho:
E gobiernu Hulandes a kuminsa unilateralmente e proseso pa ankra e entidat publiko di Sint Eustatius den Konstitushon Hulandes.
Tal akshon, meskos ku tabata e kaso ku formashon di e entidat publiko Sint Eustatius riba 10 Oktober 2010, ta den violashon di ley Hulandes, kual ta hustifika pa su inklushon, I den relashon ku orden legal internashonal, ta proteha e pueblo di Sint Eustatius su derecho liber pa ekspresa su derecho di outodeterminashon I skohe su mes status politiko.
Pruebanan valido:
e mayoria di e komunidat mundial representa den Nashonan Uni na 1954 no tabata konvensi ku e kolonianan Hulandes, Surinam I Antias Hulandes a obtene un ful grado di propio-gobernashon ku e proklamashon di e Statuut di Reino na 1954
Hulanda a wordu inhustamente destitui di su obligashonan pa raporta riba su teritorionan ultramar pa medio di e Asamblea General su resolushon 945
Resolushon 945 no ta afirma ku e anterior Antias Hulandes a alkansa un ful grado di propio-gobernashon bao di Arikulo 73(e). Esaki apenas a kita e obligashon di Hulanda pa somete informashon regularmente enkuanto su kolonianan bao di Artikulo 73(e). Nashonan Uni ta retene e outoridat pa desidi ku sea un Teritorio-Sin-Propio-Gobernashon (manera Antias Hulandes anteriormente I awor Sint Eustatius) a alkansa un grado ful di propio-gobernashon.
E outoridat aki di Nashonan Uni tey den forma di e resolushon adopta pa e Komite evaluando resolushon 742 VIII (kual ta revishon di Statuut di Reino bao di Artikulo 73 di Nashonan Uni) , deklarando ku Resolushon 742 solamente ta relata na artikulo 73(e) I ku e artikulonan (a) te ku (d) di artikulo 73 a keda na vigor.
Tabata evidente ku e Komishon evaluando e kaso aki tabata di entendimiento ku dekolonisashon di Antias Hulandes a permanese inkompleto I ku Nashonan Uni a keda mantene e outoridat pa revisa e situashon bao di artikulo 73
resolushon 945 klaramente ta establese e kompetensia di e Asamblea General den kuestion di disidi ku un teritorio-sin-propio-gobernashon (ku ta ensera Sint Eustatius) a obtene ful propio-gobernashon
Konstitushonalmente I otro desaroyonan, meskos ku statementnan di outoridatnan publiko I akademiko den I pafor di Reino Hulandes desde 1954 a establese konvensientemente ku e Statuut di Reino Hulandes no a resulta den un ful grado di propio-gobernashon pa e aktual teritorionan ultramar Hulandes I mester pa wordu renoba strukturalmente pa por logra e obhetivo
ku e pueblonan di e teritorionan ultramar di Bonaire, Curacao, Sint Eustatius I Sint Maarten, tur a ekspresa nan derecho inalienabel di outodeterminashon den referendumnan tene na 2004, 2005, 2010, 2014 I 2015 pues prome I despues ku e orden konstitushonal nobo den Reino Hulandes a bini na vigor na 10-10-10
e orden konstitushonal aki a trese (mas) malkontentu bao di e pueblonan di e teritorionan ultramar Hulandes, manera konfirma pa e raport di e “Komishon Spies”, I a ekspone mas lew e defisitnan demokratiko menshona den Reino Hulandes
e resultado di e referendumnan observa pa Nashonan Uni di e islanan Bonaire (2004, 2010 I 2015) I Sint Eustatius (2005 I 2014) a indika klaramente ku aktual relashon konstitushonal ku Reino Hulandes no tabata un eskoho liber di e habitantenan di akuerdo ku resolushonan di Nashonan Uni I Asamblea General
den lus di e referendum di 17 desember 2014 na Sint Eustatius observa pa Nashonan Uni tabatin
kehonan raporta di irregularidatnan, a pesar di e eskoho abrumador pa “Outonomia den Reino Hulandes”
e status aktual di e teritorionan ultramar Hulandes no ta konforme tratadonan di Nashonan Uni, resolushonan aplikabel di Asamblea General I leynan konstinushonal I konvensonnan internashonal
e posishon ofisial di gobiernu Hulandes riba e raport di evaluashon di e komishon Spies ta ademas un violashon di e derecho di outodeterminashon di e pueblo di Sint Eustatius
Buskando rektifikashon:
Konsiderando e pruebanan balido presenta aki den, e Konseho Ehekutivo, ku ta e organo kompetente ehekutivo di e entidat publiko di Sint Eustatius ku e enkargo pa prepara un plan di akshon detaya pa realisa ful outonomia den asosashon liber ku Hulanda, di akuerdo ku e relevante dekretonan di Konseho Insular, ku e sosten di e organisashonan sosiedat siviko sivil Brighter Path Foundation, Pro Statia I Nos Ke Boneiru Bek, ta hasi un jamada urgente riba e gobiernunan di Reino Hulandes pa immediatamente para e proseso unilateral di ankra e entidat publiko di Sint Eustatius den Konstitushon Hulandes, I start konsulta ku e gobiernu di Sint Eustatius, dirigi pa e entidat publiko realisa ful propio-gobernashon interno pa medio di asosashon liber ku Hulanda, di akuerdo ku e deseonan ekspresa di e pueblo di Sint Eustatius, I ku e orden legal internashonal, i tambe konsiente di raportnan di irregularidatnan enserando e referendum konstitushonal di 17 desember 2014 na Sint Eustatius, ta urgi enkaresidamente pa divulga e raport di Nashonan Uni riba e resultado di e referendum na e gobiernu di Sint Eustatius.
Atentamente,
Na nomber di Konseho Ehekutivo di e entidat publiko di Sint Eustatius,
Gezaghebber interino Sekretario di Entidat Publiko Sint Eustatius
Mr, J.C.A. Woodley Mr. K.A. Kerkhoff
c.c. Minister di Relashonan Interior I di Reino
Konseho Insular di Sint Eustatius
Parlamento Hulandes
Senado Hulandes
Konseho Insular I Konseho Ehekutivo di Saba I Bonaire
Parlamento I Konseho di Ministernan di Aruba, Curacao I Sint Maarten
Raad van State di Reino Hulandes
Pro Statia
Brighter Path Foundation
Gobiernonan I Parlamentunan di miembronan I miembronan-asosia di CARICOM, OECS I ACS
Parlamento America Latino, PARLATINO
Komite Spesial di Dekolonisashon di Nashonan Uni
Komite di Derechonan Ekonomiko,Sosial I Kultural di Nashonan Uni
Aliansa di Small Islands States
Instituto Hulandes pa Derechonan Humano (Colege voor de Rechten van de Mens)
Dr.Carlyle Corbin