DISKURSO DI GEZAGHEBBER RESEPSHON DI AÑA NOBO

DISKURSO DI GEZAGHEBBER RESEPSHON DI AÑA NOBO

KRALENDIJK BONAIRE
Na fin di kada aña ta bon pa NOS para ketu na e susesonan ku a pasa durante aña.
Kada situashon, sirkunstansha òf evento ku a hasi impakto tin un mensahe òf lès ku nos por siña for di dje.
NOS mester tin e aktitut korekto i anhelo pa desaroyo propio i kapasidat pa yuda nos mes.
Esaki ta nesesario pa e aña ku nos a drenta bai mas mihó.
E aña ku a pasa tabatin su momentunan tristu i retonan ku tin biaha ta parse difísil pa surpasá. Meskos nos a habri aña ku susesonan no masha alentador. Nos poblashon ta kresiendo i esaki ta trese kuné desaroyonan positivo, pero tambe desaroyonan ménos positivo. Esaki ta algu komun i normal.
Apesar di tur kos ta hopi ku sigur nos mester buta hopi atenshon karga nos responsabilidat di ta un bon suidadano i sigui kultivá ta sentido síviko, hermandat, i unidat den nos pueblo.
Esaki ta kuminsá serka kada un di nos mes, den kas di kada famia.
Nos tin ku disidí pa mustra stimashon i rèspèt na otro.
Apesar ku den nos komunidat por tin diferensha di kultura, nashonalidat, opinion, kustumber i prinsipio…
ta importante pa nos buska e interes komun i traha huntu pa logra esaki.
Futuro di Boneiru ta dependé di e aktitut positivo di kada mucha, hóben i adulto.
Huntu nos tin ku bringa pa nos bai dilanti i logra nos metanan.
Mi deseo pa 2017 ta pa nos uni forsa komo pueblo, buta nos diferenshanan un banda
i enfoká riba e futuro.
Huntu ku forsa uní nos lo logra. No kada unu tin e responsabilidat na nos enkargo pa kuida i traha pa un mihó Boneiru. Mi ta spera di por konta riba kada suidadano, sin importá ta di kua nashonalidat, paso unabes bibá riba nos dushi isla nos kada unu ta boneriano.
Ban p’e kambio den 2017. Felis Aña Nobo.

edison-rijna-2.jpg.jpg

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: