“MIN PRES MIKE EMAN Y/OF MIN ENERGIA MIKE DE MEZA DEBE PUEBLO UN SPLICACION PAKIKO PRIJS DI GASOLINE ETC A AUMENTA CU 13.6 CENT MIENTRAS CU PRODUCTO DI CRUDO A BAHA ROND MUNDO ?

ORANJESTAD ARUBA BENNY NISBET (PPA):
“MIN PRES MIKE EMAN Y/OF MIN ENERGIA MIKE DE MEZA DEBE PUEBLO UN SPLICACION PAKIKO PRIJS DI GASOLINE ETC A AUMENTA CU 13.6 CENT MIENTRAS CU PRODUCTO DI CRUDO A BAHA ROND MUNDO ?

Entrante diaranzon, 11 di januari 2017 pueblo di Aruba esta tur donjo di auto etc a worde confronta cu un aumento barbaro di 13.6 cent den curpa di kada kende. No kabe duda cu esaki ta un aumento barbaro….cu merece un splicacion. E necesidad di e aumento aki no por a cai for di cielo awor cu min Arends ta e vakminister di e ministerio. E lo tabata den su proceso ora Min de Meza a dicidi pa bula biba pa e no mester defende e abuso aki y pesey el a entrega e ministerio di asunto Economico y a core tuma turismo.
Pueblo di Aruba a keda descepciona cu e introduccion aki y no ta comprende con por ta cu rond mundo prijs di gasoline ta bajando mientras cu aki na Aruba kada vez nos mester tende cu prijs di gasoline etc ta bolbe subi.
Realidad ta cu majoria vez cu a baha ta algun cent mientras cu ora cu e worde aumenta esaki ta parce substancial.
Aki e vakminister Arends por tuma nota con su persona ta worde usa pa gabinete Mike Eman/de Meza pasobra ministro Mike de Meza alias The Mess a core tuma turismo manteniendo Energia pero el a zorg cu e introduccion di aumento di gasoline etc el a larga pa su colega nobo kima su mes cunele bisando su persona na su juramentacion…mi ta sigur cu bo ta prepara pa carga e funcion aki. Tur esaki despues cu el a ‘boycotea’ colega riba lista sr. A Howell pa e no bira ministro. Esaki como cu Min de Meza ta para riba cu E so kier ta ministro biba na San Nicolas.
Entodo caso mirando cu sr. R. Arends ta un ‘vakminister’ y mirando cu esaki no a cay for di cielo pero cu ambos Min Pres Mike Eman como Min de Meza tabata bon consciente cu esaki tabata den ‘pipeline’ y a pasa e dolor aki silenciosamente pa e joben R Arends. Pesey PPA kier hasi un apelacion riba Min Pres Mike Eman y/of Ministro di Energia de Meza alias THE MESS pa duna pueblo un splicacion pakiko e aumento y con a jega na e aumento specifico aki mirando e desaroyo contrario den mundo ? Vakminister R. Arends no mester worde usa pa trabao sushi di hinca un aumento di 13,6 cent den stoma di pueblo. Ta boso ta e politico elegi cu voto di pueblo.
Pesey cu gran interes PPA ta sinta warda riba splicacion di Min Pres Mike Eman y/of vice Min Pres, Ministro di Energia Mike de Meza alias THE MESS pa nan carga nan responsabilidad den esaki. Sea correcto y defende e decision aki.
Aruba, 11 januari 2017 Lider Politico di PPA
BENNY NISBET