Kòrsou ta konektá riba Spotify porfin! ”Hubentút i artistanan nos a logra, pabien!”

 

 

Kòrsou ta konektá riba Spotify porfin!

”Hubentút i artistanan nos a logra, pabien!”

Willemstad- Nos a tuma nota di e echo ku Kòrsou a keda konektá riba e magno plataforma di músika ku yama Spotify (ku konosé mas ku 300 mion usuario pa luna). Esaki ta algu grandi komo ku nos artistanan lokal porfin ta haña e oportunidat di oro pa ‘upload’ tur nan kantikanan riba Spotify, pa asina fanatikonan rònt mundu por toka i/of sera konosí ku nan músika. Pues nos artistanan lokal lo wòrdu promové mas tantu awor internashonalmente, ku e chèns pa wòrdu deskubrí mas lihé pa ‘record labelnan’ grandi. A parte di esaki, e distribushon di músika lokal lo nifiká mas promoshon pa nos pais tambe. 

Riba 29 di òktober 2020 Calmes a manda un karta pa Minister di Ekonomia, Steven Martina, ku e pregunta kua ta e ehersisionan di parti Gobièrnu pa ku konektividat di Kòrsou riba entre otro Spotify i  PayPal. No opstante ku Calmes no a risibí un kontesta ofisial serka e Minister ahinda, e ta indiká di ta hopi kontentu ku e desaroyo positivo aki. “E solo echo ku esaki a logra di un òf otro forma ta un viktoria riba su mes. Nos artistanan lokal tin años largu ta warda riba esaki. Hubentút i artistanan nos a logra, pabien!’’, Calmes ta indiká.

This site uses Akismet to reduce spam. Learn how your comment data is processed.

error: Content is protected !!
%d bloggers like this: