Den e Lei pa baha gastu den NV di Gobièrnu  ”Fondonan ku por spar lo no bai pa pueblo”

 

Den e Lei pa baha gastu den NV di Gobièrnu 

”Fondonan ku por spar lo no bai pa pueblo”

Willemstad- Parlamento a risibí e konsepto di Lei abase di kual mester bai maksimalisá i/òf baha entrada di direktornan di kompanianan di Gobièrnu. Tur hende mester entrega 12.5% te ku 25% di nan entrada manera stipulá pa Gobièrnu. E promé análisis hasi pa Calmes dje Lei aki ta mustra atrobe falta di seriedat di Gobièrnu i ku no ta tene kuenta ku pueblo. Calmes:”Ta obligá pueblo entrega anto ta eskivá e benefisio ke meresé”.

Den e lei por tuma nota ku Sociaal Economisch Raad (SER) mes ta ekspresá su pensamentu unda e fondonan ku spar dor di regulá e gastunan ta bai. Pa Calmes ta bira mas remarkabel ku Gobièrnu mes ta konfirmá na SER ku Gobièrnu lo no risibí e fondonan ku spar den e kompanianan di Gobièrnu pasombra ainda no tin un maneho  (“afromingsbeleid”). Dikon Gobièrnu ta permití esaki?

Ademas e lei no ta impedí ku e fondonan ku lo krea, dor di baha gastu, lo por wòrdu usa pa otro kosnan den NVnan di Gobièrnu i atrobe e pueblo no ta risibí niun benefisio. Pa korona obra Gobièrnu ta sali for dje punto di bista ku e bahamentu di gastu lo resultá den bahamentu di “cost of doing business” i den posibel preisnan mas abou pe konsumidó. Kon Gobièrnu por asumí algu asina? Pueblo ke alivio i no mas promesa. 

Ta lamentabel ku e Lei aki  no ta na benefisio di pueblo.  P’esei Calmes ta proponé pa bini ku un “afromingsbeleid” mes ora i tambe regla kon e fondonan ku spar den e kompanianan aki lo wòrdu aloká i gasta. Loke spar mester por bai riba postnan manera “reserva”, “provishon” òf pa dividendo tòg ? A kore firma “landenpakket” i traha Lei krekeché pa benefisiá ken? 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: