KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

KOMUNIKADO DI KUERPO POLISIAL KÒRSOU Título: Kòntròl di tráfiko

header-notisia-di-polis

KOMUNIKADO DI KUERPO POLISIAL KÒRSOU
006 / 2017
11 yanüari 2017
Título: Kòntròl di tráfiko
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 11 di yanüari personal di HITeam a tene kontrol di tráfiko na e krusada W. Churchillweg / Jan Noorduynweg. A para un total di 214 vehíkulo i a repartí 53 prosèsverbal pa diferente infrakshon. A transportá dos vehíkulo pa Kura di Raspa, 6 vehíkulo a keda transportá pa kas bou di kondishon riba gastu di e doño miéntras ku a detené un estranhero ku ta kedando ilegal riba nos isla.

Mas despues e tim aki a bai F.D. Rooseveltweg na altura di aeropuerto i einan tambe a tene kontrol di tráfiko. A para 48 vehíkulo i a repartí 13 prosèsverbal pa diferente infrakshon di nos lei di tráfiko. Tres vehíkulo a keda transportá pa Kura di Raspa, mientras ku a traha 2 prosèsverbal pa transportashon públiko di forma klandestino.

E kontrolnan aki ta kontinuá.

639114718427035"
639114718427035"