KOMUNIKADO DI KUERPO POLISIAL KÒRSOU Título: kaso di atrako ku herido

KOMUNIKADO DI KUERPO POLISIAL KÒRSOU
005 / 2017
11 yanüari 2017
Título: kaso di atrako ku herido
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 11 di yanüari 2017, alrededor di 04.55 or, Sentral di Polis a risibí informashon ku na un kas den Kaya Boko na De Savaan un atrako a kaba di tuma lugá i tin un persona heridá. For di un investigashon ku polis a realisá na e sitio, a resultá ku tres hòmber ku arma di kandela den man a drenta den e kas. Nan a menasá tur hende den e kas i bisa pa duna nan e sèn. Na dado momento nan a los un tiru ku a alkansá un habitante di e kas. E hòmber habitante di e kas aki, a risibí herida di bala bou di su barika. Ambulans ku a presentá na e sitio a transportá e víktima pa poliklínika di SEHOS pa tratamentu médiko. Despues di tratamentu médiko e víktima a keda interná i su situashon ta stabil. E sospechosonan despues di nan akto, nan a hui bai for di e sitio. Atrako Tim ta kontinuá ku e investigashon.