RAPORT DI POLIS ARUBA: Notisia Polis 10 yanüari 2017

PÈRSONA MOLESTIOSO.
CP a dirigí patruya na altura di frankrijkstraat pa un hòmber bistí na pretu ku tabata molestiando un vigilante.
Na e sitio e vigilante a deklará na polis ku un hòmber bistí na pretu tabata molesti’é pero ku despues a bai.
Polisnan a kontrolá den bisendario pero no a topa ku e pèrsona.
=======================
       KIEBRO DI OUTO
Un hòmber di nòmber M  a hasi denunsia di un kiebro di outo.
Un ke otro lo a sosodé entre 9 di yanüari 2017, alrededor di 20:30 i 10 di yanüari 2017, alrededor di 07:20.
Deskonosínan lo a bai ku un bateria di outo,2 spiker di e marka Bazooka, “base box” di e marka Bazooka i un tokadó di CD, di e marka Pioneer i un reibeweis, for di e outo Nissan Sentra kolor di plata.
=======================
        KIEBRO DI OUTO
Dia 10 di yanüari 2017, alrededor di 03:00, polisnan, durante kontròl a wòrdu aserká dor di un señora den Ruysdaelstraat na altura di Mira Flores Bar.
E señora di nòmber W. a deklará ku pa banda di 02:30, el a stashoná su outo, un Nissan Gloria, kolor blanku, numerá A-12718, den Ruysdaelstraat n’e parti nort di Mira Flores Bar.
El a laga e outo bon será i na lòk atras.
Pa banda di 02:45, el a skucha un sonido duru pafó di e edifisio.
E no a preokupá ku esei.
Pa banda di 02:55, el a kana bai na e outo ariba menshoná, el a mira ku deskonosínan a destruí e bentana parti dilanti na banda drechi di e outo.
El a haña un piedra grandi riba e stul dilanti na banda drechi.
E piedra aki a wòrdu uzá pa kibra e bentana.
Deskonosínan a listra henter e outo.
Nan a bai ku un pòtmòni kolor maron ku el a pone den banda di e porta dilanti.
E pòtmòni tabata kontené su identifikashon Arubano válido.
Tambe su pas di banko di CMB, su karnèt válido di AZV, e karnèt  AVZ di su yu hòmber, un visa di Banko di Caribe di su amiga.
A tuma denunsia i SCP a wòrdu poné na altura.
=======================
       ANIMAL PELIGROSO
Un pitbull a morde un kachó chikí i a purba morde e doño di e kachó tambe, segun e dama denunsiante.
=======================
SCP a dirigí patruya na Mabon 7-E pa un kaso kaminda un pitbull lo a ataká un otro kachó/pèrsona.
Na e sitio polisnan a papia ku e señora di nòmber G, kende a deklará ku un pitbull maron lo tabata kana riba kaya.
Polisnan a topa ku e kachó dilanti di e adrès na
Mabon 9.
E pitbull tabata kalmu.
E pitbull ta di e bisiñanan ku ta biba na Mabon 9.
E pitbull  a wòrdu mará bèk.
E pitbull no a ataká niun kachó.
A pone SCP na altura dje kaso.
=======================
LADRONISIA DI VEHÍKULO.
Na warda di polis na Sta. Cruz a presentá un señora di nòmber B, pa hasi denunsia tokante su outo ku a keda hòrtá.
El a deklará ku e dia anterior, el a stashoná su outo dilanti di su kas.
Tur bentana i portanan tabata na lòk.
E outo tabata intakto.
E dama ta sigui bisa ku riba 10 di yanüari 2017, alrededor di 07:00, ora ku el a sali pafó, el a mira ku deskonosínan a bai ku su outo.
E outo tabatin un di e spilnan pafó kolor oraño i e otro kolor di oro.
Mas aleu e ta sigui bisa ku e baúl di e outo no ta habri.
=======================
LADFONISIA DI PÒTMÒNI.
Durante kontròl na un evenementu turístiko Boca Mahos na Bushiribana, e polis di bario a wòrdu aserká dor di 4 turista.
Nan a deklará ku nan tabata na un di e bichnan, na altura di Kapel Alto Vista, ora un outo Toyota Rav4 di 4 porta, kolor pretu a para banda di nan ATV.
Tabatin 4 pa 5 mucha hòmber den e outo.
Un di nan a baha for di e outo i a kohe e tas di Victoria, subi outo i nan a kore bai.
Nan a purba pèrsiguí nan , pero a pèrdè nan foi bista.
E Toyota Rav 4 kolor pretu ku su number ta kuminsá ku V, a kore direkshon di seru, direkshon Kapel.
Den e tas Victoria tabatin un pòtmòni konteniendo tarheta di krédito, seguro, algun potrèt i $200
A tuma e denunsia.
=======================
        KIEBRO DI OUTO
E hòmber di nòmber K a presentá na warda di polis D-3, pa hasi denunsia di kiebro di outo.
K a deklará ku el a stashoná su outo di hür, un Mitsubishi Lancer blanku, numerá V-295, den e lugar di stashoná di Seroe Colorado, na altura di light house.
K ta sigui deklará ku nan a bai kana un ratu i a bini bèk despues di mas o menos 15 minüt i a mira ku deskonosínan a destruí e bentana parti robes i a bai ku merkansia.
A tuma e denunsia.
=======================