Den kuadro di investigashon ku Afpakteam Kòrsou a hasi awe, 17 di yanüari 2017, a tene un entrada hudisial na un kas situá den Kaya Sonrisa (Abrahamsz/Santa Catharina). (3 POTRET)
Info OM:
Den kuadro di investigashon ku Afpakteam Kòrsou a hasi awe, 17 di yanüari 2017, a tene un entrada hudisial na un kas situá den Kaya Sonrisa (Abrahamsz/Santa Catharina). Na e adrès a konfiská awe un outo marka Hyundai i10 i un ‘backhoe loader’ marka Hyundai relativamente nobo ku un balor kalkulá di 100.000 florin.
E konfiskashon ta den kuadro di un investigashon ku ya ta andando. Den kuadro di esaki anteriormente Afpakteam Kòrsou a konfiská 6 outo, 1 motosaikel, 1 skuter i 1 Seadoo. Den e promé investigashon, pa motibunan di sirkunstansia personal di e sospechosonan a laga e Hyundai i10 pa nan uso personal komo ‘bewaarder’. Na e momentunan aki e sirkunstansianan no ta presente mas I Fiskal di Ministerio Públiko a duna òrdu pa konfiská tantu e Hyundai i10 I den kuadro di e investigashon awor tambe e loader.
