Direktornan di VVRP ku reunion stratégiko struktural
Ministerio di Tráfiko, Transporte i Planifikashon Urbano
Direktornan di VVRP ku reunion stratégiko struktural
Willemstad – Ministerio di Tráfiko, Transporte i Planifikashon Urbano (VVRP) a organisá resientemente, e di dos reunion di direktornan pa 2026. Durante di e reunion stratégiko aki, tur direktor di organisashonnan den VVRP a reuní pa evaluá progreso di metanan, proyektonan, i desaroyo den e organisashon.
E reunion aki ta un plataforma importante pa kordinashon i kolaborashon den VVRP. Durante e seshon, a tuma tempu pa wak bèk riba e resultadonan den e periodo anterior, e retonan ku organisashonnan ta enfrentá, i determiná prioridat pa futuro.
Ademas, a enfoká riba proyektonan stratégiko di tráfiko, transporte, infrastruktura, planifikashon urbano, i servisio meteorológiko. Dor di evaluá huntu i ahustá kaminda ta nesesario, VVRP ta sigui traha pa un implementashon efisiente pa asina logra resultadonan konkreto.
E reunion tambe a brinda espasio pa kompartí konosementu entre direktornan, i pa fortalesé e kolaborashon mutuo. Un enfoke integral i un vishon komun ta esensial pa por atendé e retonan sosial di Kòrsou na un manera efikas, i pa sigui mehorá e servisio na komunidat.
VVRP ta wak bèk ku satisfakshon riba un reunion konstruktivo i produktivo, i lo sigui traha riba akuerdonan hasí pa asina pone nan den práktika den e periodo benidero.
639114718427035"
639114718427035"





