ORANJESTAD ARUBA KOMUNIKADO DI POLIS 15 YANÜARI  2017

PÈRSONA SOSPECHOSO.

CP a dirigí patruya na nòrt di 99 foodmart, na Piedra Plat pa pèrsonanan sospechoso ku lo tabata kanando den un pida mondi ku flèshlait.
Entre e kas na Piedra Plat 199-C i Seroe Pita 3, tin un roi.
Banda di dicho roi, deskonosínan a tira un piedra grandi den direkshon di  un outo di polis.
E piedra a dal kontra e porta dilanti na banda robes.
En konekshon ku esaki, polisnan a kontrolá den e area di Piedra Plat i Seroe Pita, pero no a topa ku niun hende.
Na e kas na Piedra Plat 199-C, polisnan a papia ku e informante, e hòmber di nòmber V; kende a mira ku 2  hòmber deskonosí a baha for di un Toyota shinishi, tipo Tercel, ku glas skur.
Segun V, e hòmbernan lo a drenta den e pida mondi i e outo menshoná a kore bai.
Mas aleu V ta deklará, ku e hòmbernan ta deskonosí den e area.

A pone CP na altura di e kaso.
=======================

         KIEBRO DEN KAS.

CP a dirigí patruya na e adrès San Fuego 52-B, pa un kaso di kiebro.
Na e sitio, polisnan a papia ku 2hòmber di nòmber BB i TVB.
E 2hòmbernan aki, pa banda di 03:00, huntu ku 2 amiga, a bai hiba un outo na un otro adrès.
Na momentu ku BB tabata drentando outo, el a mira un hoben ku kabei kòrtiku pará na e otro banda di  kaminda.
Nan a regresá na nan apartamentu  pa banda di 03:35.
Ora ku nan a drenta paden, nan a konstatá ku deskonosínan a kibra drenta nan apartamentu.
E porta dilanti tabata fòrsá.
Deskonosínsn a bai ku e siguiente artikulonan;
2 laptop di e marka Apple, modèl Macbook pro. Unu kolor di oro i e otro kolor di plata.
1kamará pretu di e marka Sony.
1 I-pad i un charger blanku.

A tuma denunsia.
SCP a wòrdu poné na altura di e kaso.
=======================

                  ROBO

2 hòmber a hòrta un turista violentamente..
Nan a kore bai den un outo pretu, direkshon Molen.
E viktima a keda transportá ku ambulans pa poli.
Un representante di slachtofferhulp a wòrdu dirigí na poli.

Piket DAR-2 (rechèrche Noord), a wòrdu poné na altura.
======
      RAPÒRT DI PATRUYA.

SCP a dirigí patruya na Gusto,  lugá di stashona outo, pa un pelea.
Na e sitio a sali na klá di ta un robo.
E viktima tabatin un herida na su frenta.
Wowo robés tabata hinchá.
Un vigilante a aserká polis i a konta  ku el a mira 4 mucha hòmber bringando ku un hòmber i a kore bai den un outo pretu.
E mucha hòmbernan aki a bai ku pòtmòni di e hòmber.
E viktima no por a kòrda su nòmber.
Mas despues polisnan a haña  e informashon ku e viktima lo ta keda na Swiss Appartment.
E viktima a wòrdu transportá ku ambulans pa poli.

SCP i DAR2 a wòrdu poné na altura.

Remarke di bosero: 
( Slachtofferhulp a  indikámi ku e turista ta hòspitalisá).
=======================

           DETENSHON.
Durante patruyahe na altura di Olde Molen, polisnan a para un Hyundai Accent, numerá A- 27875, pa hasi un kontròl.
E outo menshoná a wòrdu pará na altura di House of Cheng.
Durante kontròl, e shòfùr di e outo a baha i a kuminsá bringa ku polis.
Durante detenshon el a purba saka algu for di su saku di karson.
El a wòrdu di bui.
El a purba di dal polis ku su kabes.
El a wòrdu poné na suela.
Un otro patruya tambe a yega na e sitio i a yuda tene e hòmber aki.
Durante listramentu , a haña un kuchú pretu, ( switch blade).
Patruya a konstatá ku e tabata fuertemente bou di influensia narkótiko.
Na e sitio, p’e motibu aki, alrededor di 04:35, a detené e hòmber R, konforme ley di reglamento di arma, art 1.
E sospechoso a wòrdu hibá warda pa despues presenté dilanti H.O.v.J.
=======================

        KIEBRO DEN KAS.

Riba 15 di yanüari 2017, SCP a dirigí patruya Noord na Cunucu Abou, pa un kaso di kiebro.
Na e sitio, polisnan a wòrdu aserká pa e hòmber C, kende a deklará ku pa banda di 07:30, el a nota ku deskonosínan a fòrsa e porta di e kasita den kurá.
Ora ku el a bai kontrolá, el a mira ku deskonosínan a bai ku 2 baiskel i 3 ” beach bed”.

A tuma denunsia.

Partikularidat: C no tabata sa e marka ni modèl di e baiskelnan .
El a deklará ku unu ta oraño i e otro, pretu.
=======================

VIOLASHON LEI DI KACHÓ.

CP a dirigí patruya na Rooi Santu 1-A, pa kachónan ku ta lòs.
Na e sitio, polisnan a papia ku e hòmber T, kende a deklará ku 2 kachó di e bisiña lo ta kanando riba kaya. I dor ku e kachónan ta agresivo, e no por a sali fo’i su kurá.
Polisnan a bai na e kas Bakval 1-F.
I enbèrdat polisnan a mira  2 kachó.
E porta di garashi di e kas tabata habrí na un skréf i dor di esaki, e kachónan lo a sali pafó.
E kachónan ta blaf pero no ta ataká.
E orey e doño di e kachónan a sali pafó i a yama e kachónan paden.
Polisnan a papia ku e señora J, kende a deklará ku probablemente e hak di e porta di garashi lo a lòs i e kachónan lo a habri e porta.
E señora a keda di drecha e hak.
El a haña un atvertensia serka polisnan.

Mas aleu no tabatin partikularidat i a pone SCP na altura di e kaso.
=======================
VIOLASHON  LEI DI KACHÓ.

A drenta un  mèlding via telefòn, ku na Babali 16-A, lo tin algun kachó deskuidá.
Polisnan a nota varios puntonan mas na e adrès ariba menshoná.
Na e sitio polisnan a papia ku e dama MH, kende a deklará ku el a papia ku e bisiñanan. I ku ta é ta duna e kachónan aki awa i kuminda.
Tambe el a deklará ku e habitantenan ya nk t’ei pa algun luna kaba.
Mas aleu MH ta sigui bisa ku e ta saka e kachónan foi kurá pa tratamentu médiko i kuido, mirando e situashon di e kachónan.
E ta sigui bisa ku e kachónan por wòrdu kuidá dor di un servisio veterinario yamá “SGT PEPPER’S FRIENDS”.
=======================