Orashon djaweps 19 di yanüari 2017

Orashon djaweps 19 di yanüari 2017

Bo no gusta sakrifisio ni ofrenda, ma Bo a habri mi orea; Bo no ke bestia kimá riba altá ni sakrifisio di pordon. E ora ei m’a bisa: ‘Ata mi akí! Den bo buki ta skibí tokante mi: Hasi bó boluntat, o mi Dios, esei ta mi plaser, i bo lei ta grabá den mi.’ Den gran reunion di bo pueblo m’a proklamá ku Bo ta hustu; mi no a tene mi boka será, SEÑOR, Bo mes sa! Mi no a tene bo hustisia sekreto, mi a konta bo fieldat i salbashon; mi no a skonde bo bondat i bèrdat den gran reunion di bo fielnan. SEÑOR, nunka Bo n’ ta keda sin duna mi bo mizerikòrdia; semper bo bondat i fieldat lo warda mi di peliger. Tantu desgrasia a agobiá mi ku mi n’ por konta nan mas; mi pikánan ta blo persiguí mi, mi n’ por mira nada otro; nan ta mas hopi ku kabei di mi kabes, mi kurason a kai. Mare esnan ku ta buska Bo por gosa i alegrá den Bo; laga esun ku deseá pa Bo salb’é bisa: ‘SEÑOR ta grandi!’ Ma ami, ku ta pober, mizerabel, Señor, kòrda riba mi! Bo ta mi yudansa i Salbador, no tarda, mi Dios!
Salmo 40:6‭-‬12‭, ‬16‭-‬17