ORANJESTAD ARUBA KOMUNIKADO DI POLIS DI 19 YANÜARI  2017

ROBO

Polis, tabata riba  kontròl den area di Pastor Hendrickstraat, Diamantbergweg, Mount Scenerystraat i bisendario 
en konekshon ku atrakonan ku ultimo tempu a tuma lugar den e kasnan aki.
E dia promé tabatin un intento di atrako riba un taxista den Juliana v Stolfbergweg.
Pero e atrakadornan a aserká e pèrsona robes i nan a bai..

Pa banda di 04:00, SCP a dirigí patruya na Juana Mortostraat 30, pa un kaso di atrako, kaminda e dama viktimá, lo tabata den un estado histériko.
Na e sitio, un hómber , ku tabata drumí abou a habri porta di kas.
E hòmber tabata heridá n’e parti patras di su kabes.
Su señora a yega for di trabou ku e TX220 i a stashoná e outo den garashi di e kas.
Dos hòmber deskonosí a yega su tras den garashi.
Unu a para na e banda robes di e outo i e otro a para na e banda drechi.
Nan tabata pidi pa plaka na papiamentu.
E dama , ku tabata pará na banda robes di e outo a wòrdu pushá kontra suela dor di un di e hòmbernan aki.
E hòmber a kohe su tas.
Dor ku e dama a grita, su esposo a habri porta.
E hòmber tin problema ku kanamentu i a kai den garashi, di moda ku el a wòrdu batí dor di e atrakadornan ku pistol, parti patras di su kabes.
E tabata sangra hopi na su kabes.
E atrakadornan a kore bai den direkshon suit.
Den e tas tabatin solamente kosmétika.
Ambulans i slachtofferhulp a presentá na e sitio.
E hòmber a wòrdu transportá pa HOH Hòspital, pa mas tratamentu.
E tabata keha di dolor na su repchinan.

Atraco Team, oi 1 (3-2), a wòrdu poné na altura i nan tambe a presentá na e sitio.
=======================

            DÒLER FALSU.

Riba 19 yanüari 2017, CP a dirigí patruya  2-6 na Valero Palm Beach en konekshon ku dòlar falsu.
Ademas a resultá ku esun ku lotabatin e dòlar falsu, a bira agresivo.
Polisnan a yega mesora na  e sitio i nan a papia ku e hòmber, kende despues a resultá di ta J.A.
JA a deklará ku el a kaba di deskubrí un biyete falsu di $100.
N’e momentu ey esun ku a duna e sèn a bira agresivo.
E hòmber, huntu ku un otro lo a kore bai den direkshon wèst, den un Toyota Yaris kolor beige, numerá A-60429.
Mirando ku polisnan a yega mesora despues di e notifikashon, nan a sali en buska di e outo menshoná.
Polisnan a kore yega te na Sasaki Service Station, pero sin resultado.
Polisnan a regresá na Valero Palm Beach pa por konfiská e dòlar falsu i tuma datonan.
Yegando bèk na Valero Palm Beach, polisnan a topa ku Toyota Yaris, beige, numerá A-60429.
Ademas tabatin un hòmber pará pafó na e auto, na e banda di pasahero.
Un otro hòmber lo a aserká polis, bisando ku nan tin e supesto dòler falsu huntu ku nan. I nan kier a kumpra gasonline ku n’e.
E hòmber tabata CFDA.
I e otro hòmber pará pafó di e outo tabata GT.

Tambe a puntra CFDA si e tabatin mas dòler falsu.
CFDA a deklará ku el a bai kontrolá e otro dòler na kassa i ku esey si a resultá di ta bon.
Despues polis a tuma kontakto ku e pèrsonal ku a haña e dòler falsu, esta e hòmber J.A.
J.A. ta suponé sí, ku e hòmber CFDA, tabata bon na altura ku e dòler tabata falsu.
El a ripará, pasobra despues ku a deskubrí  e sèn falsu, ku CFDA, kier a duna JA un otro biyete.
Manera ku e tabata sá ku e dòler tabata falsu.

CP a wòrdu poné na altura di e kaso aki.
E biyete di $100 a wòrdu konfiská.
=======================

             LADRONISIA

A drenta notifikashon via telefòn dor di un vigilante di Goldcoast, kende a notifiká robo di e pòmp di e pisina na Diamante 176.
Na e sitio polisnan a papia ku e supervisor di seguridat na Goldcoast.
El a deklará ku riba 12 di yanüari 2017, deskonosínan a hòrta un “poolpump” for di dicho adrès.
Pa ún òf otro motibu, ta riba e fecha di 19 yanüari 2017, pa banda di 08:00,numa, el a wòrdu poné na altura di esaki.
E habitantenan di e adrès aki, ta den exterior.
E denunsia a wòrdu hasí, ku outorisashon di e mènedjer di Goldcoast.

A tuma denunsia
A resultá ku na e bisiña kual ta Diamante 175, tambe e pòmp di e pisina a wòrdu hòrtá.
=======================

       INTENTO DI KIEBRO.

SCP a dirigí patruya na Pos Chikitu, en konekshon ku un intento di kiebro.
Na e sitio, polisnan a papia ku e hòmber F, kende a deklará ku e mainta ey, pa banda di 08:00, ora ku e tabata kanando den su kurá, ela mira markanan di pia riba e muraya na parti wèst di e kas.
Ora ku el a bai kontrolá na e parti pafó, el a mira e mesun markanan di pia .
Mas aleu F a kontrolá tur bentana i portanan den su kurá, pero no a haña nada partikular.

SCP a wòrdu poné na altura.
=======================

              SÈN FALSU.
Notifikante a deklará ku un turista a paga ku $100 falsu pero lo a kita e biyete for di e kahera i kore bai.
===
Riba 19 yanüari 2017, SCP , a dirigí patruya na Superfood, en konekshon ku un kaso di sèn falsu.
Na e sitio polisnan a papia ku e pèrsona en kuestion, kende a deklará ku el a bai kontrolá un biyete di $100 i a resultá ku e biyete tabata falsu.
E pèrsona en kuestion a sigui deklará ku e pèrsonal kier a bai ku e  biyete .

E pèrsonal di Super Food despues a sigui nan prosedura i a tuma kontakto ku polis pa bin buska e biyete.

E biyete a wòrdu konfiská pa mas investigashon.
BFTO. E biyete a wòrdu hinká den un ènvelòp i lagá atras pa e komandante na warda.
=======================

        KIEBRO DEN OUTO.

CP a dirigí patruya na Cas Casuela pa un kaso di kiebro den auto.
Na e sitio polis a papia ku e hòmber K, kende a deklará ku enbèrdat a kibra su outo.
Deskonosínan a bai ku 2 spiker.

CP a wòrdu poné na altura di e kaso.
A tuma denunsia.
=======================

This site uses Akismet to reduce spam. Learn how your comment data is processed.

error: Content is protected !!
%d bloggers like this: