KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

Fundashon Karnaval Banda Abou ta den ful preparashon pa e Balloons Parade di skolnan básiko I preparatorio

fundashon-karnaval-banda-bou

Fundashon Karnaval Banda Abou ta den ful preparashon pa e Balloons Parade di skolnan básiko I preparatorio ku lo tuma lugá dia 24 febrüari 2017 di 8.30 pa 11.00 or riba kaminda Próspero Rojer na Banda Abou.
Tur skol básiko siklo 1 i siklo 2 den aria di Banda Abou inkluyendo Krèsh Tera Kòrá lo desfilá den e parada aki.
Dia 19 di yanüari tur e skolnan ku ta partisipá na e marcha aki a haña un workshop kon ta traha obranan ku blas di parti di TIO PAYASO. ( Egidio Antonisia) Nan a siña traha headpeace di blas, handpeace di blas, i diferente ideanan di animal,i formanan ku por uza pa nan bodypeace.
Tabata un mèrdia ameno kual dosentenan a reuní 2 ora largu aya na Joseph Civilis i riba instrukshon di TIO PAYASO a krea nan obranan. FKBB ta mira atras riba un dia fruktífero. FKBB kier a yama danki na tur nos spònsernan ku a duna ta duna i lo duna nan aporte na Karnaval Banda Abou. Alabes kier a yama un danki na Mr Paulina kabes di skol di Joseph Civilis ku a pone un lokalidat na nos disposishon. I na e kabes di skolnan di Sta Clara School ( Jandoret) , Annie Koenraad ( Tera Kora ), Elis Juliana
( Tera Kora), skol speshal Ala Blanka Skol ( Barber) , Kolegio San Hose ( Barber), Krèsh Tera Kora I Don Sarto Skol ( Soto) ku a pone nan skouder bou dje proyekto Karnavalesko aki, I a duna lus bèrdè pa mas ku 800 alumno por partisipá.
Si tin mas Krèsh ku kier partisipá nan tin te ku dia 25 yanüari pa inskribí.
FKBB ta yama danki na tur e kolaboradornan ku ta yuda FBKK ku e Balloons Parade i ta spera di haña mas respaldo di komunidat di Kòrsou engeneral pa asina duna nos chikitinnan futuro Karnavalistanan e oportunidat di baila gosa riba ritmonan di Tumba i eksponé nan trahenan Karnavalesko krea ku blas, den kayanan di Banda Abou.
Den transkurso di otro siman tur skol básiko lo haña karchi pa bende ku nan alumnonan ku kier bin wak e elekshon di reina infantil i hubenil di Karnaval Banda Abou ku lo tuma lugá dia 11 febrüari 2017 den kurá di skol San Hose di 2or pa 6or di atardi. E karchinnan na skol tin un balor di Fl 7.50. Esnan seerka partisipantenan ta fl 10,- Kada karchi ku e skol bende fl 2.50 ta bai pe skol pe kubri su gastunan di partisipashon.
FKBB ta kere den nos muchanan ku ta futuro Karnavalistanan di mañan. FKBB a aserká diferente kompania pa adoptá un skol su partisipashon den Balloons Parade i ta wardando ansioso riba nan kontesta. Pero si bo kompania kier spònser un skol su partisipashon e por tuma kontakto ku FKBB su presidente kual ta sra Lisette Jansen na number di telefon 5118916 òf e sekretaria Mazarella Jansen 6728884 pa mas informashon.

639114718427035"
639114718427035"