PPA TA SOSTENE ESTUDIO PA BEACH DI DIVI/TAMARIJN…PERO TA EXPRESA CU E FENOMENO ‘RISING SEA LEVELS’ Y SU EFECTO TAMBE RICIBI ATENCION

BENNY NISBET (PPA):

PPA TA SOSTENE ESTUDIO PA BEACH DI DIVI/TAMARIJN…PERO TA EXPRESA CU E FENOMENO ‘RISING SEA LEVELS’ Y SU EFECTO TAMBE RICIBI ATENCION !‘

Ultimo estudio di ‘National Oceanic & Atmosphere Administration’ ta indica un aumento pa final di siglo di 2,5 meter en vez di e 1 meter cu a worde indica y cu ja tabatatin consecuencia dramatico.
E fenomeno natural unda naturalez esta nos lama ta come nos beachnan banda di Divi/Tamarijn y vecindario ta den noticia un vez mas. Por a scucha preucupacion di director di DOW riba e problematica aki y por comprende cu tin un posibel estudio cu lo worde hasi y lo mester worde paga pa tanto ATA como gobierno. E estudio lo costa entre 4/500 mil florin y lo dura 9 luna. No kabe duda cu PPA ta considera un estudio asina importante y necesario.
E ponencia cu PPA lo kier a hasi ta lo sigiente. Si e preucupacion awor ta sina grandi pa un e beach den vecindario di Divi, Tamarijn y otro hotel awor pa cu un beach cu ta disparse pa algun luna despues di cual naturaleza ta trecele bek. Con e preucupacion aki lo ta ora nos lama hisa esta ‘rising se levels’ realmente tuma lugar den futuro y beachnan completo of parcialmente disparse definitivamente. SI awor den pura kier larga un estudio tuma lugar cu lo tuma un nuebe luna pa atende cu e problematica di e beach na Divi/Tamarijn cu PPA tambe ta preucupa y ta sostene pa e estudio tuma lugar anto unda a keda e preucupacion pa e fenomeno mundial di ‘cambio climatologico’ y ‘rising sea levels’. E ultimo estudio di ‘National Oceanic & Atmostphere Administration mericano’ ta indica cu pa final di e siglo actual lama mundial lo hiza cu 2,5 meter envez di e 1 meter cu ja lo a causa hopi catastrophe rond mundo. Esey ta pone hopi mas pression riba e pais/islanan cu ta sea plat of tin un parti di nan ‘costa’ etc cu ta relativamente plat pa cuminsa prepara pa limita e danjo aki.
No mester lubida cu despues di un silencio enorme di parti di gobierno y nos Ministro Presidente Mike Eman na december 2015 for di Paris, Francia nos flamante Min Pres a declara cu Aruba tambe ta core risico serio den futuro. Despues di esaki Aruba a firma e acuerdo na New York Naciones Unidas pa despues drenta un silencio enorme atrobe.
PPA como organisacion politico si ta keda preucupa pa e fenomeno di naturaleza aki cu ta ‘man made’ esta e proceso di uso di fuel, pet-coke etc cual ta condusi cu paisnan ta manda mucho CO2 den atmosfeer ta conduci na e effecto natural cu p.e. ijs ta smelt, lama ta bira mas cayente cual ta conduci cu e nivel di lama rond mundo lo hiza substancialmente. Esaki lo worde sinti primeramente den cierto region rond mundo e.o. pacifico, Caribe y costanan di pais cu ta relativamente abao e.o New York, Miami, London Inglatera, Hulanda etc. E paisnan aki tur un mas cu otro ta den nan preparacion pa minimalisa e danjo den futuro.
Aki den Caribe varios isla/pais a larga nan estudio worde hasi hunto cu Universidad di Oxford pa limita e danjo den futuro. Naciones Unidas a base di e estudio aki ta financia un parti di e inversion necesario pa minimalisa mi ta ripiti pa minimalisa e danjo……..Tin danjo cu bo no por evita !! No kabe duda cu e pronostico awor di un aumento di 2,5 meter pa final di sitio…hopi ‘extra’ estudio lo worde hasi pa limita e danjo dilanti port.
Aruba como un isla relativamente ‘plat’ tambe tin su risico !! Si lama hiza p.e. cu un meter of un meter y mei….. imaginabo cu e hiza cu 2,5 meter segun e ultimo estudio aki !!kiko lo ta e consecuencia pa Aruba ?
Na prome lugar varios ‘beach’ lo disparse of un parti di djele lo disparse……..No pa un par di luna pero pa semper !! Tambe lama lo afecta varios di nos hotelnan cu nan fundeshi no a worde construi pa nan por ‘deal’ cu awa di lama mas cerca di nan ! Kiko lo por ta e consecuencia …? Awor tin estudio di Naciones Unidas riba majoria isla den Caribe ……Aruba tambe………pero NO tin estudio profundo di parti di gobierno di Aruba pa cu e problematica aki !!
Districtonan di Aruba cu ta core risico segun opinion di PPA ta e.o. Zeewijk, Cura Cabai, Savaneta pa zuid, Pos Chikito, Balashi, Barcadera, Oranjestad y parti di Noord entodo caso e parti banda di lama…aki tur e cas di pueblo pero tambe comercio di playa, nos aeropuerto su pista di aterizaje pa no lubida nos Hospital cu a worde larga na e sitio unda e ta envez di construi un edificio nobo pa den centro di nos Isla. Varios caretera cerca di lama, hotelnan etc tambe ta core hopi risico mes. PPA ta keda accentua e peliger pa Aruba den futuro.
Awor cu den pura esfuerzo ta worde hasi pa paga pa un estudio cu lo costa Aruba un 500 mil florin y lo dura 9 luna PPA ta sostene esaki cien porciento ! Pero PPA ta tuma e momento un vez mas pa mustra riba necesidad di un estudio mas grandi den contexto di e fenomeno natural di ‘climate change y rising sea waters’ y mas ainda awor cu tin un ultimo estudio cu ta indica di un aumento di 2,5 meter pa fin di e siglo aki. PPA ta ranca na e ‘bel’ un vez mas pa sali na vanguardia di nos pueblo su interes. Aruba ta depende di turismo….un Aruba sin su beachnan lo perde un gran parti di nos industria turistico. Aruba su pueblo cu ta biba relativamente serca di lama y diferente interes nacional manera aeropuerto, comercio di Oranjestad pa no lubida nos Hospital dr Horacio Oduber. Aeropuerto etc…..tur merece e atencion di gobierno/parlamento y instancianan di nos pais pa cu e problematica aki !
PPA lo sigui ranca na e bell pa conscientisa nos pueblo, nos gobierno y nos parlamento al respecto !!

Aruba, 22 di januari 2017 Lider Politico di PPA
BENNY NISBET

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: