A rekompensá hungadónan MVP pa nan esfuerso èkstra BdC Willemstad Warriors a habri aña den famia ku dia deportivo

A rekompensá hungadónan MVP pa nan esfuerso èkstra BdC Willemstad Warriors a habri aña den famia ku dia deportivo

WILLEMSTAD- Yanüari- 2016: Resientemente Banco di Caribe Willemstad Warriors a tene un eksitoso dia di famia na Rust & Burgh. Hungadónan i nan famia por a disfrutá di un dia di deporte ku na mes momento a marka inisio di un aña nobo pa e tim di basket.

Tur tim di BdC Willemstad Warriors, U13, U15, U17 i Senior a forma parti di e dia; a finalisá ku rekonosementu na e hungado ku a destaká den kada divishon. Ta felisitá Dinan Scharbaai (U13), Jurick Justina (U15), Dillon Mathilda (U17), Miron Meulens i Jose Da Silva (Senior). Tur MVP a risibí un muestra di apresio di nan ekipo i di Banco di Caribe un MultiCard di $100. Ademas di rekompensa e hungadónan MVP pa nan aporte balioso na nan ekipo a gradisí tur entrenador tambe pa nan dedikashon. E tim a dediká e dia di famia na Sr. Roy Guribaldi, un di e fundadónan di Willemstad Warriors i alabes un di e promé entrenadornan. Na klousura entrenadornan Gerry Charles, Marc Lopes, Rallyson Felicia, Roy Guribaldi i Nimrod Thielman tambe a risibí un MultiCard di Banco di Caribe.

Ta importante pa den ambiente sosial e tim eksperensiá otro. Estrechá lasonan sosial i familiar ta mes importante ku konosé otro su abilidatnan riba kancha di deporte. Di akuerdo ku entrenador Nimrod Thielman, “Nos tim ta hinka hopi esfuerso den formashon sosial. E mayornan di e hóbennan ta mashá importante den nos organisashon. Nos ta gradisí nan tur pa nan tempu i lo sigui enkurashá nan pa nan bishitá vèlt i mira e muchanan praktiká nan deporte. Apoyo di un mayor ta di sumo importansia. E aña aki nos lo bolbe duna 100% pa bai ku e titulo kampion, ounke e mas importante ta, pa e hóbennan dibertí durante kada wega”. Komo patrosinador, Banco di Caribe ta felisitá e hóbennan i ta deseá nan un aña eksitoso.

img_0666

img_0686

img_0709

img_0714

img_0717

img_0729

img_0734

img_0746

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: