Entrada hudisial ku detenshon relashoná ku kaso di tiramentu 

 

KUERPO POLISIAL KÒRSOU 

KOMUNIKADO DI PRENSA

148/2026

8 mei 2026 

Entrada hudisial ku detenshon relashoná ku kaso di tiramentu 

Kontinuando ku investigashon den e kaso di tiramentu ku a tuma lugá dia 4 di mei 2026 na un kas den área di St. Joris, polis a hasi un detenshon. 

Den oranan di mainta djaweps 7 di mei 2026, Tim di Aresto konhuntamente ku Tim  di Atrako a detené e hòmber R.J.A.H. di 30 aña di edat nasé na Kòrsou, relashoná  ku e kaso ariba menshoná. 

Detenshon di e hòmber aki a tuma lugá na su kas den área di Jan Boos, siguí ku un  entrada hudisial  

Durante di e entrada hudisial a haña i konfiská un kantidat chikí di droga. 

A presentá e sospechoso dilanti di un fiskal ouksiliar ku a ordená su enkarselamentu  pendiente di mas investigashon.