CHEK E VIDEO I POTRETNAN : Nos Miss Kòrsou, Chanelle de Lau su elegansia i inteligensia ta resaltando na Miss Universe.
Nos Miss Kòrsou, Chanelle de Lau su elegansia i inteligensia ta resaltando na Miss Universe.
Ya e fechanan importante pa loke ta trata sertámen Miss Universe ta tras di lomba. Faltando solamente e anochi final djadumingu awor.
Chanelle durante e último dos dianan a pasa den “prueba di fuego”, entrevista ku hurado i sertámen preliminar. Chanelle su spontanidat i forma fasil di komuniká den ingles a laga hurado enkantá ku ne.
Durante e anochi preliminar, Chanelle a lusi konfidente durante tur su tres presentashonnan riba esenario. Su introdukshon menshonando e pais ku e ta representá tabata fuerte i emoshonante, su presentashon den trahe di baño, “Wow, look at that attitude” tabata komentarionan ku bo tabata skucha den sala i na final un trahe di gala di Mac Duggal, un kolo berde “dragonfly” un eskoho ku sigur a hala hopi atenshon, un kolo diferente i un modelo diferente for di tur otro. E sistema ku Chanelle a desfilá den dje tabata fenomenal. Loke ta remarkabel ta ku Miss Universe saliente Pia Wurtzbach a tweet over di Chanelle su trahe di gala: “it’s making waves”.
Despues di un pousa kòrtiku, tur e kandidatanan a presentá nan trahe Nashonal.
Un preliminar tremendo kaminda Chanelle sigur a hasi un bon papel. Por a tuma nota di di esaki durante un “Press Junket”, kaminda prensa ku ta kubri e sertámen a haña oportunidat di entrevista e kandidatanan di nan eskoho.
Durante di e aktividat aki, Chanelle tabata un di e ” highlightnan”, tur prensa presente a entrevist’é. Coridja Stars Productions tambe tabata presente i a bai live via Facebook. Pa esnan ku no a wake, por disfruta di dje ainda riba nos pagina di facebook.
Kòrsou, kòrda ku ahinda tin posibilidat pa vota, pa asina nos garantisá Chanelle su puesto den e finalistanan.
Bo por vota te un máksimo di 10 biaha pa dia i via 4 kanal:
1) VODI: Download e aplikashon di Vodi riba bo selular òf tablet i primi riba e boton pa vota.
2) WEB: Visit vote.missuniverse.com
3) MISS U APP: Download e aplikashon Miss di Miss Universe i primi pa vota riba e menu den banda vote.
4) TWITTER: Tweet usando #MissUniverse, #MissCuracao #Chanelledelau i e hashtag spesial pa Chanelle ku lo keda duná despues. Hasi uzo di e oportunidat i bentaha pa “retweet” tambe.
Bo por vota 10 biaha pa dia pa Kòrsou asina e pantaya pa vota habri! Ban sigui manda vibrashon positivo pa nos Miss Kòrsou, pa huntu nos por logra.
