KUERPO POLISIAL ARUBA SU RAPORT 25 YANÜARI 2017 

MOLÈSTER KU VÜRWÈRK.

Riba 25 yanüari 2017, CP a dirigí patruya na Heidestraat i bisendario, en konekshon ku molèster di vürwèrk.
Na altura di Heidestraat 2, polisnan a papia ku e konosí pa hustisia; “Cabes di  Clabo”, tokante e denunsia.
E hòmber BF, a konta polisnan ku enbèrdat el a sende vürwèrk.
Polisnan a papia kun’é tokante di esaki, i el a mustra komprenshon i tambe bisa ku e lo nó hasi’é mas.

A pone CP na altura di e kaso.
=======================
       ALARMA A AKTIVÁ.

Riba 25 yanüari 2017, SCP a dirigí patruya Noord na Punta Brabo en konekshon  ku un alarma ku lo a aktivá.
Na e sitio, polisnan a bin topa ku un pikòp blanku, numerá A- 29482, stashoná parti patras di e edifisio.
For di e segundo piso a sali un hòmber, kende a duna di konosé di ta A.H.
A.H a deklará ku nan tabata trahando pa e doño di e edifisio.
Polisnan a bai kontrolá, pero no a topa ku niun hende riba e segundo piso.
Solamente un telefòn selular.
Tabatin 2 kamber na yabi i a lanta sospecho serka polisnan ku e hòmber ku tabata trahando lo tabata den guera ku LTU i ku el a bai skonde den un dje kambernan.
Ora ku e doño a yega na e sitio, e hòmber a sali for di den un dje kambernan.
A resultá ku e hòmber ta FJCC, nasé na Venezuela riba 10/10/1986.
Polis a pasa e hòmber pa GNC.
Mas aleu, polisnan a kontrolá rònt, pero no a haña nada partikular.

SCP, a wòrdu poné na altura di e kaso.
=======================
  LADRONISIA DI WIL DI BAISKEL.

Alrededor di 08:45 a drenta un yamada na Strand, pa un kaso di ladronisia na Low Rise Hotel.
Patruya Strand a dirigí nan mes na e sitio i a tuma denunsia for di e turista CDN.
El a hasi denunsia di robo di 4 wil di baiskel mas un stul di baiskel.
Polisnan a kontrolá pa mira si tin un sistema di seguridat, pero sin resultado.

SCP  a wòrdu poné na altura di e kaso.

4 rim pretu di e marka Cannondale i un stul plat di baiskel kolor pretu a wòrdu hòrtá.
=======================
SITUASHON SOSPECHOSO.

Durante patruyahe, polisnan a nota 2 hòmber dilanti  Ting Wei Supermarket, ku tabata komportá nan mes sospechoso, komo sifuera nan tabata na warda na e lokalidat.
Polisnan a aserká e 2 pèrsonanan i a puntranan kiko nan tabata hasiendo eynan.
Nan vershon no tabata kuadra i na ora di tuma datos, nan no por a proba nada.
E sospechoso HGAG a wòrdu detené riba 25 yanüari 2017, alrededor di 15:45, pa kaso di sospecho di violashon LTU.
A mustré riba su derechonan i a pasé pa warda di polis Shaba.
I despues a presenté dilanti HOvJ .
Despues el a wòrdu enkarselá den e kompleho di sèlnan na Shaba.

CP a wòrdu poné na altura di e kaso.
=======================
   AKSIDENTÁ I KORE BAI.

SCP a dirigí patruya na altura di TAO BOU, pa un kaso di dalmentu, kaminda e pèrsona en kuestion lo a kore bai.
Na e sitio a resultá ku e pèrsona en kuestion a dal kontra un outo ku tabata stashoná.
E outo stashoná tabata un Mitsubishi L400, kolor blanku i tabatin daño na e banda robes parti patras.
Mas aleu, polis a haña informashon  ku e kulpabel tabata kore den un pikòp blanku, kual marka i modèl tabata  deskonosí.
Patruya Noord a haña un outo na altura di Tanki Flip 54-D.
Na e sitio e shòfùr a deklará ku e tabata envolukrá den un choke.
E pikòp tabatin daño na su banda drechi parti dilanti.
E daño di ambos outo ta kuadra ku otro.
A partisipá na e shòfùr ku e tin di hasi un tèst di alkohòl riba e Alco Sensor, i el a supla 659 UG/L
Despues di esaki a detené pa banda di 17:40 i hibé na warda di polis Shaba pa present’é dilanti HOvJ.
Aki a partisip’é ku e tin di hasi un tèst di intoxifikashon den e aparato, den kual el a supla 445 UG/L
E shòfùr a wòrdu traspasá pa departamentu di tráfiko.

SCP a wòrdu poné na altura di e kaso.
=======================
   SHÒFÙR IMPRUDENTE.
Riba 25 yanüari 2017, SCP a dirigí patruya Strand na altura di La Quinta, en konekshon ku un aglomerashon di hende i skuérmentu di tayer.
Na yegada di polis, nan a mira hopi hende i outo, kantu di kaminda ku tabata opstakulisando tráfiko.
Patruya di K9 i D2, a kuminsa kore ku e hendenan.
Despues polisnan, huntu ku D2 a kore ku e hendenan riba e kaminda parti paden di Eagle, pa asina trese trankilidat bèk.

SCP a wòrdu poné na altura di e kaso.
=======================
AKSIDENTÁ DEN TRÁFIKO.

Warda di polis a dirigí patruya na Spaans Lagoen pa un kaso kaminda un vehíkulo a kai na awa.
Un di e presentenan a bisa polis ku e shòfùr huntu ku 2 dama a kore bai den direkshon nort.
Polisnan a bai pa kontrolá; i na altura di Ohmstraat 8, polisnan a topa ku un ambulans.
Den e ambulans, polisnan a topa ku e shòfùr i e pasaheronan di e vehíkulo ariba menshoná.
E pèrsonanan a wòrdu hibá ku ambulans pa hospital pa tratamentu médiko.
Kran di Nagico a saka e vehíkulo for di den awa i hib’é warda di polis na Balashi.

SCP a wòrdu poné na altura di e kaso.
=======================
  SITUASHON SOSPECHOSO

CP a dirigí patruya na Betonicastraat pa un pelea.
Na e sitio polis a papia ku e dama Z, kende a deklará ku amante di su kasá a hink’é.
El a laga polisnan mira e heridanan.
Su kasá tabatin e otro dama tené.
Ora ku polisnan a drenta e kurá, e kasá di Z, e hòmber L, a kita e kuchú for di e dama i tiré p’afó di kurá.
Polisnan a detené e dama W, pa kaso di maltrato ku arma.
Polisnan a puntra e hòmber L, unda e kuchú ta; i el a bisa ku e no sa.
Riba suela tabatin mancha di sanger.
Polisnan a konfront’é ku e hecho ku riba suela tabatin sanger.
Polisnan a puntré dikon el a tira e kuchú i e nó a kontestá.
W tabatin un herida na su pia.
Un testigu a deklará na polis, ku el a mira ku L a tira e kuchú afó, despues ku e tabata purba na konvensé W pa laga e kuchú lòs.

Ora ku polisnan a yega, el a laga e kuchú lòs.
No ta e promé bia ku polisnan ta bai na e adrès pa e dama W, molestoso aki.
A top’é mas biá na e kas.
W tin un relashon amoroso di 13 aña ku L.
Z sá di e relashon aki i no tabata ke W na su kas.
Ademas e  no ke pa W sigui molesti’é.
A konfiská e kuchú pa mas investigashon.
E kaso a wòrdu pasá den man di piket rechèrche San Nicolaas.
Ambulans a hiba e viktima na HOH Hòspital pa mas tratamentu médiko

A pone Slachtofferhulp na altura di e kaso.
=======================
       KIEBRO DEN KAS.

Riba 25 yanüari 2017, CVD na warda, a dirigí patruya na Salinja Cerca, pa un kaso di kiebro.
E informante a deklará ku deskonosínan a bai ku un kluis ku ta pèrtenesé na su esposa.
Riba 25 yanüari 2017, pa banda dk 19:00, nan a sali nan kas na Salinja Cerca pa bai sine.
A laga bentana i portanan será atras.
Den e kashi di e kamber mayó, riba e di 2 piso, tabatin un kluis.
E kluis tabata tapá ku un duki i riba e kluis tabatin un eiskast.
Deskonosínan a haña entrada den e kas, via e bentana di e kamber té patras na parti ost di e kas.
A destruí e hèkwèrk di e bentana.
E denunsiante no tabata sa kiko su esposa tabatin den e kluis.
Polisnan lo tèrminá e denunsia, despues ku e lista di artíkulonan wòrdu entregá.

SCP a wòrdu poné na altura di e kaso.
=======================

This site uses Akismet to reduce spam. Learn how your comment data is processed.

%d bloggers like this: