MINISTERIO PUBLIKO TA INFROMA: Fiskal a hasi un demanda awe den Korte di 14 aña prison pa e homber R.A.M. (Curaçao, 20 aña). 

​Info OM:

Fiskal a hasi un demanda awe den Korte di 14 aña prison pa e homber R.A.M. (Curaçao, 20 aña). E ta ser sospechá dor di Fiskal di Ministerio Publiko (OM) di a kita bida di e homber Orlando Mejia Ortiz (Colombia, 38 aña) dia 5 oktober 2016 riba Antillenweg patras di Mi Lucha. E viktima a keda hinká 3 biaha. E hinká fatal a perfora su aorta ku a kosta su bida na e sitio.

Motibu pa e hinkamentu tabata sigun deklarashon e hecho ku e viktima a yama polis pa e sospechoso.

Fiskal a yega na e demanda a base di kinseho di entre otro sikiater i sikologo. E sospechoso ta un hoben ku ta bou di tratamentu sikiatriko. Sikiater ta kalkulá ku el a komete e hinkamentu mientras ku e tabata influensiá dor di un “psychose” mientras ta trata di un hoben ku ta sufri di entre otro “paranoïde”.

Banda di demanda di 14 aña prison, Fiskal a hasi tambe un demanda pa daño perhuision di 5.710 florin pa e viuda ku a keda atras ku gastu di entre otro entiero.

UPDATE:

Veredikto 17 di februari 2017 pa 09:30 or

This site uses Akismet to reduce spam. Learn how your comment data is processed.

error: Content is protected !!
%d bloggers like this: