KOMUNIKADO DI KUERPO POLISIAL KÒRSOU Título: Akshon general

KOMUNIKADO DI KUERPO POLISIAL KÒRSOU
025 / 2017
29 yanüari 2017
Título: Akshon general
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè dia 27 di yanüari, diferente unidat di Kuerpo Polisial Kòrsou entre kua Timnan di Mantenshon i Hitteam a tene diferente kontrol preventivo i di tráfiko riba nos isla. A kontrolá 208 vehíkulo i a parti 49 prosèsverbal pa diferente infrakshon di lei di tráfiko. A tene vigilansia den diferente bario i na sitionan unda ta konosí ku aktividatnan ilegal ta tuma lugá. Den Hermesweg alrededor di 02.25’or di djasabra mardugá, a detené dos hòmber sospechoso, kada un riba un bròmer. Durante di listramentu a bin topa e hòmber J.F.D.I. di 26 aña di edat ku un pistol kaliber .22 den su poder. E otro sospechoso, e hòmber M.A.P. di 29 aña di edat tabata den posishon di un kuchú. A konfiská bròmer, armanan i e duo, nase na Kòrsou a keda presentá dilanti di un fiskal ouksiliar ku a ordená nan enkarselamentu pendiente di mas investigashon.