MANEHO DI SERO TOLERANSIA DI POLIS I MINISTERIO PÚBLIKO DEN KUADRO DI MANTENSHON DI MEDIDANAN RELASHONÁ KU COVID

Manera anteriormente anunsiá, Ministerio Públiko i Kuerpo Polisial tin un maneho di sero-toleransia ora ta trata di inkumplimentu ku medidanan di Covid mirando e oumento drastiko di infekshonnan. Ministerio Públiko ta yama atenshon di pueblo en general, ku lo tin butnan konsiderabel si no kumpli ku e sanshonnan imponé dor di gobièrnu. Kuerpo polisial ta hasiendo un kontròl intensivo ku e meta, pa den kuadro di òrdu públiko redusí e tráfiko di personanan riba kaya i asina evitá mas tantu posibel e rísiko di infekshon.
Den e Triangulo, e deliberashon entre Minister di Hustisia, polis i OM a palabra kiko e sanshonnan ta i kon polis ta aktua.

Na kontinuashon ta presentá e montantenan di transakshon ku polis lo mantené den interés general di salubridat públiko na Kòrsou. Inkumplimentu di un transakshon, en prinsipio, ta kondusí na persekushon ku un demanda mas haltu na Korte.