Kaso di AVA Airways kontra Minister Camelia-Römer den korte

Kaso di AVA Airways kontra Minister Camelia-Römer den korte

Riba djaluna 30 di yanüari 2017 korte di hustisia a trata e kaso di kompania di aviashon AVA Airways kontra Minister Camelia-Römer di VVRP.

AVA Airways tabata representá pa abogado Mr. Peterson.

Motibu di e kaso tabata pa forsa un desishon riba un karta di opheshon ku a keda entregá for di aña pasá. E karta di opheshon a keda presentá na minister komo reakshon riba e hecho ku minister a nenga di ortogá e kompania un pèrmit ekonomiko, apesar di varios intento di e kompania pa trata di sa motibu pa nenga di ortogá e pèrmit. Segun Mr. Peterson e hecho ku minister a duna di konosé ku e lo no komuniká mas ku e kompania di aviashon ta algu inaseptabel. Sinembargo durante e tratamentu den korte, abogadonan ku a representá Gobiernu a duna di konosé ku minister lo kontestá e karta di opheshon den e siman aki.

Apesar ku AVA Airways ta kumpli ku tur rekisito for di aña 2014, ainda no a otorgá nan e pèrmit.

Abogadonan di Gobiernu a indiká ku un aereolinia mester tin avion, personal, ofisina, etc i AVA Airways no tin niun di esakinan. Abogado Peterson a duna di konosé ku sin un pèrmit ekonomiko ta apsurdo pa hinka kapital den ekipo di aviashon, personal, ofisina, etc.

ava-300x180

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: