Federacion di Ahedres Aruba: Resultadonan di Copa Betico Croes 2017 Ethan de Lange ta gana U-18 yWoman FIDE Master Maria Diaz ta gana Abierto

Federacion di Ahedres Aruba: Resultadonan di Copa Betico Croes 2017 Ethan de Lange ta gana U-18 yWoman FIDE Master Maria Diaz ta gana Abierto

Den fin di siman cu a caba di pasa, Federacion di Ahedres Aruba (FAA) a organisa su tradicional Copa Betico Croes riba dianan 27, 28 y 29 di Januari. Riba e fechanan aki a hunga e categorianan U-18 y Abierto. E categoria di U-12 a ser hunga riba 25 di Januari, cual resultadonan a ser publica caba den medionan di comunicacion.

Den U-18 un total di 14 hungador a participa, cualnan a hunga 5 buelta en total. E di tres lugar a bay pa e hungador femenino Leslie Cielo cu a termina cu 3,5 punto di 5 wega. Na di prome lugar tabatin un dobel empate entre Ethan de Lange y Ethan Croeze, ambos cu 4,5 punto di 5 wega. Despues di aplica reglanan di desempate Ethan Croeze a keda na di dos lugar y Ethan de Lange a resulta di ta e maximo ganador.
Tambe tabatin premio pa e mihor hungador di U-16 cu a ser gana pa Ayden Dirks cu 3 punto di 5 wega, mientras cu John Tromp a sali e mihor hungador di U-14 y tambe a termina cu 3 punto di 5 wega.

Den e categoria Abierto un total di 15 hungador a participa, cualnan tambe a hunga 5 buelta. E di tres lugar a bay pa Brian Diaz (15 aña!) cu a termina cu 3,5 punto di 5 wega. Mescos cu den U-18, despues di 5 buelat tabatin un dobel empate na di prome lugar entre Woman FIDE Master Maria Diaz y Candidate Master Jomar Benschop, ambos cu 4 punto di 5 wega. Despues di a aplica reglanan di desempate, CM Jomar Benschop a termina na di dos lugar y WFM Maria Diaz ta termina na di prome lugar.

FAA ta hopi satisfecho cu e organisacion y ambiente di e Copa Betico Croes 2017 unda tabatin un cantidad grandi di hoben a participa. Remarcabel ta cu 4 participante bou di 18 aña a dicidi di hunga den Abierto unda nan a bataya hopi bon mes y a mustra e adultonan cu mester tene debida cuenta cu nan, ya cu nan a piki basta punto di e grandinan!
Alabes FAA ta hopi contento pa wak cu tabatin hopi entusiasmo den e hungadornan y tambe un bon presencia di publico. Un danki grandi ta bay na Comision di Subisidio pa a sponsor e torneo aki, yudando e ahedres di Aruba engrandece su mes, especialmente bou di hubentud.

copa-betico-croes-2017-1

copa-betico-croes-2017-2

copa-betico-croes-2017-3

This site uses Akismet to reduce spam. Learn how your comment data is processed.

error: Content is protected !!
%d bloggers like this: