Parlamento di Kòrsou a deliberá ku Minister di Tráfiko, Transporte i Planifikashon Urbano enkuanto maneho di petishonnan na Domein Beheer.

Djaluna, 21 di sèptèmber 2026, e Reunión di Komishon Sentral a kuminsá ku tratamentu di e úniko punto di agènda, ku ta deliberashon ku Minister di Tráfiko, Transporte i Planifikashon Urbano, sr. Charles Cooper, enkuanto maneho di petishonnan na Domein Beheer.

Visepresidente di Parlamento, sr. Ramón Yung, a habrí e promé tanda, kaminda Miembronan di Parlamento a haña oportunidat pa hiba nan disertashon i hasi preguntanan na Minister di Tráfiko, Transporte i Planifikashon Urbano, sr. Charles Cooper.

Na final di e promé tanda, Minister sr. Charles Cooper a duna splikashon kòrtiku di su punto di bista riba algun di e preguntanan ku a wòrdu hasi dor di Miembronan di Parlamento i tambe sr. Cooper a duna su rekomendashonnan.

Pa loke ta trata e preguntanan ku a keda hasi, e Minister a pidi tres siman di tempu pa prepará i formulá su kontestanan di un forma konkreto pa bin duna e miembronan di Parlamento.

Vise presidente, sr. Ramón Yung, a skòrs e reunion te ku próksimo aviso.