Jacqueline a kumpli 10 aña di servisio

Kralendijk – Dia 1 di yanüari 2017 señora Jacqueline (Jacky) Koffy a kumpli 10 aña di servisio laborando pa Gobièrnu di Boneiru.
E selebrashon festivo di e hubilario a tuma lugá djabièrnè 13 di yanüari den presensia di famia i koleganan di direktorado pa Komunidat i Kuido na Kaya Neerlandia 41. Jacky a inisiá su karera na gobièrnu di Boneiru na Servisio pa Asuntunan Sosial (SASO) komo “medewerker ICT Beheer”, dunando alabes sosten atministrativo. For di aprel 2012 na momentu ku e struktura di aparato gubernamental a kambia, Jacky ta trahando na direktorado Komunidat i Kuido komo “medewerker gegevens en applicatiebeheer” den e sekshon di atministrashon.
Na e okashon aki diputado sra. Nina den Heyer, a ekspresá su gratitut na e hubilario i a para ketu na su karera di trabou, a aksentuá e personalidat di Jacky i a konkluí ku e por ta un ehèmpel pa otro empleadonan públiko.
Sra. Silvana Janga-Serfilia, direktor di e direktorado Komunidat i Kuido a elaborá riba e bon trabou desplegá na tantu SASO komo na direktorado Komunidat i Kuido. Tambe mas kolega a gradisí i felisitá Jacky ò dirigí palabranan di apresio den kual a resaltá e perseveransia, kolegialidat i e grado haltu di brinda servisio di parti di e hubilario.
Tabata diputado den Heyer ku a hasi a entrega di e sèrtifikado di rekonosementu i e ènvelòp di kustumber, siguí pa un spich kòrtiku di Jacky pa gradisí Ser Supremo, su famia i koleganan pa e sosten risibí durante e añanan ku a transkurí. Finalmente e hubilario huntu ku koleganan, èks koleganan i famia den un ambiente ameno huntu ku diputado sra. Nina den Heyer a brinda na e okashon aki.

dsc_0004

This site uses Akismet to reduce spam. Learn how your comment data is processed.

error: Content is protected !!
%d bloggers like this: