KPA 27 / 28 / 30 yanüari 2017

logo-polis-aruba-header-15-yan-2017.jpg

AKTIVIDAT SOSPECHOSO.
SCP a dirigí patruya ma Madiki kavel, alrededor di 01:30, pa un intento di kiebro.
Na e sitio, polisnan a papia ku e dama K.
Ela deklará na polisnan, ku su èrko a paga i despues el a sinti un hende pafó den su kurá.
Polisnan a kontrolá den kurá i bisendario, pero no a topa ku e sospechoso.
E sospechoso a saka e shùternan di e bentana di kamber ku ta keda na e parti ost di e kas, pa por subi paden. Pero e no a logra.
El a kita koriente i paga e èrko, pa medio di e suich ku ta keda parti pafó di e kas.
A pone SCP na altura di e kaso.
=======================
                KONTRÒL.
Durante un kontròl den Sero Colorado, patruya di San Nicolaas, a bin topa ku 2 Hyundai Accent den un mondi pegá, kaminda antes tabata hòspital na Sero Colorado.
Polisnan a bai kontrolá e Hyundai Accent, kolor hel, numerá A- 9349.
E shòfùr tabata e hoben di nòmber EH. i komo pasahero, e hoben RS.
Ambos a deklará ku nan a bini na e aktividat na S.Colorado pa nan “chill” un tiki.
Despues di mas investigashon a sali na kla ku e hobennan tabata humando marihuana.
I mas despues e shòfùr a duna polis un saku konteniendo marihuana.
Ora a bai kontrolá e Hyundai Shinishi, numerá A-40647, polisnan a topa ku e shòfùr ZL. i komo pasahero, e dama CS.
Ambos a deklará ku nan tambe a bini na e aktividat i ku awor nan ta sinta “chill”.
Despues di mas investigashon, e shòfùr a duna polis un saku konteniendo 3sakito ku marihuana.
A konfiská e sakunan ku marihuana i hibanan na warda pa e  tim narkótika.
SCP i CVD a wòrdu poné na altura di e kaso.
=======================
         KIEBRO DEN KAS.
SCP  a dirigi patruya na Manderinestraat pa un kaso di kiebro.
Na e sitio polisnan a papia ku e habitante di nomber O.
El a deklara ku deskonosínan a kibra drenta su bibienda.
Nan lo a fòrsa e porta na banda drechi di e kas.
Nan a bai ku un Samsung flètskrin di 42 inch, un Samsung Galaxy S-5, sèn di kolekta di misa. Eisyùg i diferente artíkulonan for di den eiskast.
Polisnan a tuma denunsia.
=======================
               DENUNSIA
CP a dirigi patruya Noord na Perle d’or pa un kaso di ladronisia di un tayer di outo.
Na e sitio, polisnan a papia ku doño di e outo di e marka Hyundai Accent, kolor di oro, numerá A-54170.
E doño, e hòmber W, a deklará ku riba 27 di yanüari 2017, pa banda di 24:00, el a stashoná su outo den e lugar pa stashoná na e parti suit di  Perle d’or.
E outo tabata na lòk i tabata tin tur 4 tayer bou di dje.
Riba 27 di yanüari 2017, pa banda di 06:10, el a wòrdu yamá dor di e vigilante di Perle d’or, pa motibu ku deskonosínan lo a bai ku un di su tayernan.
E hòmber W no por bisa ta ken a hasi esaki.
Su outo tabatin un sistema di alarma.
E outo tabata intakto, pero e tayer na banda drechi parti patras, nan a bai kuné.
A tuma denunsia.
A pone CP na altura dje kaso.
Partikularidat:
Polisnan a papia ku e vigilante di Perle d’or i a resultá ku riba e lugar di stashoná ey, no tin un sistema di alarma.
======================
  LADRONISIA / DENUNSIA
Riba 27 di yanüari 2017, SCP a dirigí patruya na High Rise Hotel pa asistensia pa un kaso di matrato.
Na e sitio polis a haña nan ta duna asistensia pa un otro kaso kual ta di ladronisia.
E hòmber R, kende ta un huéspet na e Resort ariba menshoná,i ta hospedando den un di e kambernan.
E hòmber lo ta pèrmanesé riba Aruba te ku 3 di febrüari 2017.
E hòmber a deklará ku riba e mainta di 27 di yanüari 2017, pa banda di 05:30, el a mira ku deskonosínan a bai ku e tayer robes parti patras di e outo.
R a stashoná e outo e dia promé, 26 di yanüari 2017, riba e lugá pa stashoná na parti wèst di e hotel na e banda nort.
El a laga e outo intakto atras.
E outo a wòrdu di hür na Royal Carrental.
A pone e negoshi na altura tokante e suseso i nan a keda di pasa pa banda di 08:30, pa yuda e turista.
E vigilante di e hotèl a deklará ku pa banda di 04:45, el a kana pasa banda di e outo i no a nota nada straño.
A tuma denunsia.
SCP a wòrdu poné na altura di e kaso.
Diskripshon:
Ta trata di un outo kolor shinishi Hyundai Accent V-5268.
=======================
        ROBO DI VEHÍKULO.
Riba òrdu di CVD, patruya a bai Cunucu Villa na Santa  Cruz, pa un kaso kaminda un vehíkulo a keda hòrtá.
Na e sitio, polisnan a pp ku e hòmber M.
M a deklará ku riba 26 di yanüari  2017, pa banda di 20:00, ainda el a mira su vehíkulo.
Ta trata di un Toyota Hillux, A-38527, kolor blanku i ku e logo di New York Laundry ariba e portanan.
Riba 27 di yanüari 2017, pa banda di 08:00 a resultá ku e vehíkulo a disparse.
M a tuma kontakto ku e doñonan i e hòmber B a presentá na e sitio.
B a hasi denunsia di ladronisia.
CP a wòrdu poné na altura di e kaso.
======================
                  KIEBRO.
A drenta notifikashon via telefòn ku na Centro Curason Santa Cruz, un kiebro lo a tuma lugá.
Patruya 4-7 a bai na e sitio. Aya nan a papia ku e hòmber VSMJ.
El a deklará ku deskonosínan a drenta via dak.
Polisnan a mira ku e dak tabata destruí i ku deskonosínan a sali pafó bèk pa medio di un trapi.
Nan a bai ku 2 bòter di biña di e marka Beringer.
=======================
  SITUASHO SOSPECHOSO.
Un dama di nòmber F a yega warda di polis Shaba, pa un situashon sospechoso.
El a deklará ku 3 mucha lo tabata skondí den mondi.
Dos di nan tabatin T-shirt  pretu i blanku bistí.
Tabata na altura di Palm Beach 130 i tabatin hopi hende pafó.
E dama F a deklará ku nan lo tabata riba tereno di e bisiña.
E bisiña ta un Merikano i mayoria tempu e ta den exterior.
Ademas nan lo a puntra e bisiña si tin apartamentu na hür.
Polis a topa ku nan, na Palm Beach 116-A.
Un tabata riba e kaminda di tera, unu den palu i e otro tras di algun datu.
A puntra nan kiko nan tabata hasiendo.
Nan a bisa ku nan tabata yag riba yuana.
A pone nan na altura ku ta prohibí pa yag riba yuana.
Ademas ku tiramentu di piedra por ta peligroso, pa motibu ku tin hopi outo i kas den bisendario.
Nan a mustra komprenshon.
=======================
              JOYRIDING
CP a dirigi patruya na Morning Supermarket pa un kaso di joyriding.
Na e sitio, polis a papia ku e homber L, kende a deklará ku nèt el a sali banko. El a stashoná su outo Mitsubishi L300, kolor blanku riba e lugá di stashoná di e supermerkado.
Mas despues un famia di L a bin bis’ é ku su vehíkulo lo no ta riba e lugá di stashoná outo mas.
L a bai pafó i a mira ku deskonosinan a horta su vehíkulo.
=======================
       KIEBRO DEN KAS
CP a dirigí patruya na Kurimiaw pa un kaso di kiebro.
Na e sitio polisnan a papia ku e dama R, kende a deklará ku riba e dia ey, alrededor di 07:30, e tabata pa lastu bia na su apartamentu.
El a laga tur kos intakto i na slòt.
Pa banda di 12:30, su amiga B a yega kas i e porta tabata na slòt.
Ora ku el a drenta paden, el a mira ku e televishon den sala a wòrdu hòrtá.
Ora R a yega kas i a drenta pa kontrolá den e apartamentu, el a ripará ku deskonosínan a bai ku e 2 televishonnan, 1laptop,1 tablet i 1 brel di solo.
Mas aleu el a deklará ku e bisiña a bis’ é ku riba e dia ey, entre 09:00 i 10:00, el a mira 2 hoben riba un motorsaikel kolor hel i blou pasa masomenos 3bia dilanti e kas.
Despues e bisiña a mira ku e motorsaikel menshoná a para na masomenos 10 meter leu for di e kas, pero ku ta solamente ún di e mucha hòmbernan tabata sintá riba e motorsaikel.
Mas aleu niun partikularidat.
CP i  Team Woning Inbraak a wòrdu poné na altura di e kaso.
=======================
     INTENTO DI ROBO
Riba 27di yanüari 2017, warda di polis a dirigí patruya Strand en konekshon ku un kaso di ladronisia.
Na e sitio polisnan a papia ku e hòmber M, kende a deklará ku riba 26 di yanüari 2017, alrededor di 11:00, e boto ku ta karga e nòmber di Mr. Bone Fish, numerá A-1844, a wòrdu lagá atras na e parti wèst di Hadicurari na e pir.
E boto tabata intakto.
Riba 27 di yanüari 2017, alrededor di 13:00, el a kana bai na su boto i a mira ku 6 bout di e “lower unit” tabata lòs i ku probablemente deskonosínan tabatin plan pa lòs e “lower unit” for di e motor.
Mas aleu e hòmber M a haña e informashon di Hadicurari ku riba 27 di yanüari 2017, pa banda di 01:30 e hòmber W tabata riba e pir, pa supuestamente drecha su boto.
A tuma denunsia
CP a wòrdu poné na altura di e kaso.
=======================
SITUASHON SOSPECHOSO
SCP a dirigí patruya na Brasil den bisensario di misa, kaminda lo tabatin un hòmber ta kana rònt riba kaya ku un pida palu .
Na kaminda SCP a mèldu ku 2 hòmber ku kuchú den man tabata ke bringa ku otro.
Na e sitio, polisnan a kontrolá den bisendario, pero tur kos tabata parse trankil.
Bisiñanan a deklará na polisnan ku T i un otro hòmber tabatin problema i tabata diskutí riba kaya.
Polisnan a kore den bisensario i a topa ku T, kual a wòrdu detené.
T no ké a deklarà ku ken e tin problema.
CP a wòrdu poné na altura di e kaso.
=======================
  KIEBRO I DESTRUKSHON
CP a dirigí patruya na Barcadera 206 pa un kaso di kiebro.
Na e sitio polisnan a papia ku e hòmber B, ku ta traha na Safecom Security.
B a deklará na polis ku deskonosínan a destruí kamara na e parti suit di e edifisio.
Nan a habri  un porta di heru dor di kibra e slòt i despues nan a fòrsa un porta di palu.
Nan no por a drenta dor ku tabatin un porta di heru ku nan no por a habri.
Safecom a bèl esun responsabel pa e yabinan, pero no a haña kontakto.
A bisa B, pa ora e haña kontakto ku esun responsabel pa e yabinan pa dirigi’é na warda di polis, p’e bin hasi denunsia di destrukshon.
CP a wòrdu poné na altura di e kaso.
=======================
  PELEA / A SKUCHA TIRU
SCP a dirigí patruya na Driemasterstraat,  na altura di Bar A  Bar pa un kaso di pelea.
Na e sitio, polisnan  mira, ku masomenos 4 hòmber ta biniendo den nan direkshon.
Polisnan a mira ku 3 di e hòmbernan aki, tabata skondí bou di outonan ku tabata stashoná.
Mas aleu e hòmbernan a deklará ku ta un outo blanku Toyota Corolla ku 2 pèrsona harmá aden, a lòs tiru den nan direkshon.
E hòmbernan a mustra polis ku ta den direkshon nort nan lo a bai.
Polisnan a kore dirèkt den e direkshon di e outo riba Driemasterstraat.
E outo a para dilanti di kas 24.
Polisnan a mira ku e tabata un Toyota Corolla, kolor blanku, numerá A-57372.
E outo tabatin daño i tabatin masomenos 5 pèrforashon.
Polis di distrikto 2 a presentá na e sitio i a bai kontrolá na Bar A Bar.
A pone Rechèrche, BFTO i SCP na altura di e sutuashon.
Despues ku pèrsonal di BFTO a kaba di hasi su investigashon na e sitio, kran di Nagico a yega n’e sitio i a bai ku e outo na warda di polis pa mas investigashon.
CvD a wòrdu poné na altura di e kaso.
=======================
        KOS DI BALDADI
SCP a dirigí patruya na Caya Oscar Wyatt, na altura di Caracas Bar pa tiradónan di piedra.
Na e sitio ya e muchanan baldadi  bai.
Pero tabatin algun hoben ta bebe awa.
Polis a papia ku hobennan aki, kendenan a deklará ku lo no tabatin tiramentu di piedra.
SCP a wòrdu poné na altura di e kaso.
=======================
            ASISTENSIA
Durante patruyahe na Sero Colorado na altura di e entrada, polis a wòrdu pará dor di e hòmber ku ta bende koko.
El a deklará ku un siman pasá, el a haña un biyete di $20 for di un turista Venezolano ku a kumpra koko serka dje.
El a deklará ku na e momentu ey e no tabata sa ku e biyete tabata falsu.
Ora el a bai Casino pa kambi’é pa purba su suerte, nan a notifik’é ku e biyete tabata falsu.
A konfiská e biyete i a pon’é den un envelòp na enkargo di BFTO.
CVD i SCP a wòrdu poné na altura di e kaso.
=======================
      PÈRSONA NA SUELA.
SCP a dirigí patruya na Caya Captain Robert Rodger na altura di BC, kaminda lo tabatin un pèrsona na suela, na e parti wèst di RBC.
Polis a papia ku e hòmber aki di nòmber HW.
El a deklará ku e ta ku fakashon riba Aruba i ku a lagu’é atras den sentro di siudat, mirando ku e tabatin  ku bandoná e apartamentu trempan i no tabatin kaminda di keda.
E dia ey mes e tabatin ku regresá Estados Unidos.
E hòmber a deklará ku e doño di e apartamentu a keda di buské eynan i hib’é aeropuerto.
El a deklará ku e tabata kansá i ta pesey el a kai drumi na suela un ratu.
Mirando ku e hòmber di edat aki tabata kansá i ku tabata fasil pa hòrt’é, polisnan a disidí di hibé bèk kaminda e tabata hür apartamentu.
Polisnan a lagu’é atras na Sero Colorado 1579.
SCP a wòrdu poné na altura di e kaso.
=======================
TÍRUNAN TA KEDA SKUCHÁ.
CP a dirigí patruya na altura di Bar A Bar ku ta keda na Driemasterstraat, en konekshon ku tirunan ku a keda skuchá.
Na e sitio na Bar A Bar, polisnan a papia ku 2 trahadó ku tabata pafó.
Esakinan  tabata tirando sushi den baki.
Polis a listra ambos su paña, pero no a topa ku nada straño.
E trahadónan a deklará na polis ku nan no a skucha nada straño.
Polisnan a bai kontrolá na altura di Euforia i den
bisendario.
Na altura di e kas na Madiki 62, polis a topa ku un habitante ku a bisa ku e ta
sintá eynan pa mas ku 1ora, i e no a skucha nada i ku tur kos tabata trankil.
CP a wòrdu poné na altura di e kaso.
=======================
             MALTRATO.
Riba 28 di yanüari 2017, alrededor di 20:10, SCP a dirigí patruya Strand den area di Riu Antillas en konekshon ku viktima ku a yama warda di polis i deklará ku el a kaba di wòrdu atraká dor di 2 mucha hòmber i ku nan lo a maltrat’é.
Segun e viktima, ambos tabata riba baiskel.
Un di e mucha hòmbernan tsbatin postura delegá i kolor skur i tabatin kabei largu di flèktu.
E otro tabatin postura delegá, kolor bruin i tabatin kabes limpi.
Segun e viktima e malhechornan lo a kore bai direkshon Holiday Inn.
Polis Strand a hasi un kontròl for di Riu Antillas te ku Holiday Inn i bisendario.
A pone SCP na altura di e kaso.
A dirigí e dama viktima na warda di rechèrche pa hasi denunsia.
=======================
               KONTRÒL.
Durante patruyahe di patruya Noord, na altura di Blue Residence, polisnan a mira 2 mucha hòmber riba baiskel sin iluminashon.
Polisnan a para e mucha hòmbernan aki i a kontrolá  nan pèrsonalia.
Un di e mucha hòmbernan ta BJG, bibá na Madiki kavel.
I e otro ta di nòmber AYA, bibá na Bushiri, ambos tabata menor di edat.
Polisnan a mira ku un di nan tabatin un paardenstaart mientras ku e otro tabatin un pèchi bistí.
Esaki tabata kuadra ku e diskripshon ku sentrale pòst a duna tokante e 2 mucha hòmbernan ku a mishi ku un dama na altura di Riu Antillas.
BJG ta esun ku e paardenstaart.
A puntra BJG si el a yega di mishi ku man di un mucha muhé.
BJG a duna boka ku enbèrdat el a mishi ku e mucha muhé i ku nunka di su bida e no a mira un mucha muhé bunita asina.
El a deklará ku ta e mucha muhé mes tabata ke.
BJG  a wòrdu poné bon na altura ku si denunsia wòrdu hasí,  e lo keda detené.
Polisnan a konfiská e 2 baiskelnan en konekshon ku falta di iluminashon.
Polis a informá nan , ku nan lo tin ku presentá ku nan mayornan pa tuma nan baiskelnan.
Despues di esaki e mucha hòmbernan a kana bai.
E baiskelnan a wòrdu hibá na warda di polis Strand.
Lo traha un prosès verbal.
=======================
   PÈRSONA SOSPECHOSO.
SCP a dirigí patruya na Rey Hing Supermarket, situá na Pos Chiquito, kaminda lo tabatin 3 pèrsona den bisendario di e supermerkado ku mùts i ku tabata komportá sospechoso.
Mas aleu SCP a informá e patruya ku ta bai tokante un Toyota Yaris blanku, numerá A- 58154.
Despues polisnan a papia ku un kolega ku no tabata riba trabou.
E kolega a deklará ku tal outo lo a kore bai den direkshon Sabana Basora.
Polisnan a bai kontrolá den bisensario di SB i no a topa ku e outo menshoná.
SCP i CVD a wòrdu poné na altura di e kaso.
=======================
        KIEBRO DEN KAS.
Rib 28 di yanüari 2017, SCP a dirigí patruya 2-6 na Caya di Oro, en konekshon ku un kaso di kiebro na un kas.
Na e sitio, un di e vigilantenan di “Tierra del Sol”, a deklará ku deskonosínan a destruí e bentana di kushina na parti ost.
Mas aleu e pèrsonal di Safecom a deklará ku riba 28 di yanüari 2017, alrededor di 03:38, e alarma a aktivá.
Segun e pèrsonal di Safecom, nan a pensa ku ta e sènsor di kushina lo a aktivá.
Na e sitio, polisnan a papia ku esun responsabel pa e yabinan .
En bista ku e responsabel pa e yabinan, tabata bou di influensha i tabata papia ku lenga pisá, a dirigí e hòmber LB Kent, pa su manisé e pasa na warda pa hasi denunsia.
Polis a hiba Kent su kas.
SCP a wòrdu poné na altura di e kaso.
======================
30 Yanuari 2017

Durante patruyahe, polisnan a sinti un olor fuerte di awa di bérpùt, i nan a mira riba e kaya asfaltá sin nòmber ku ta pasa dor di Kamay, un plas di awa fís ku tabata hole enormemente.
Polisnan a kuminsá un investigashon mesora.
Enfrente di Del Rey Appartments, polisnan a mira ku awa tabata sali for bou di e tapa di bérpùt.
Polisnan a pone CP na altura, ku na nan turno lo pone DOW na altura, pa regla e fèrstòp.
=======================
Riba 30 di yanüari 2017, entre 10:10 i 12:15, polis Strand a realisá un kontròl riba LG Smith Boulevard, na altura di Arashi i bisendario i tambe riba JE Irausquin Boulevard “Eagle Beach” i bisendario.
Riba LG Smith Boulevard, na retònde di Mariott a topa un Arubus Advantage Kaart.
A purba haña komunikashon telefóniko ku e númber di telefòn riba e karchi, pero sin resultado.
Despues a realisá un kontròl riba LG Smith Boulevard, na altura di antes Bushiri Hotel i bisensario.
Polisnan a realisá un kontròl na pia, entre 12:20 te/ku 13:50, riba JE Irausquin Boulevard “Paseo Herencia” i bisensario.
Durante patruya a duna 2 asistensia.
Mas aleu no a topa ku niun partikularidat.
A pone SCP na altura di e kaso.
=======================
Patruya di Distrikto di Santa Cruz, a patruyá den area di; Hooiberg, Seroe Biento, Santa Martha, Cuchinilla, Macuarina, Balashi, Parkietenbos, Piedra Plat, Babijn, Bloemond, Tamarijn, Ayo, Paradera, Canashito, Sabana Grandi, Shete, Zumbo, Sheribana.
Alrededor di 11:40, polisnan a bai kontrolá na Wai Fat. Tur kos tabata mustra trankil.
Pa banda di 11:50, polisnan a bai kontrolá na Natural Bridge. Eynan tambe tur kos tabata trankil.
Pa banda di 12:00, polisnan a pasa banda di Gold Mine na altura di Happy Stop i tur kos tabata mustra trankil.
Alrededor di 13:20 tabatin 2mucha hòmber di SPO Santa Cruz, ta pega kandela na parti suit di e buro di reibeweis i polis a gara nan.
Nan a sende e kandela i polis a skuál nan i nan mester a paga e kandela mesora.
A tuma datonan.
Ademas a kontrolá tambe banda di Colegio San Antonio i SPO Santa Cruz.
A papia ku vigilante i direktornan.
Tur kos tabata trankil.
=======================
BP 6 a dirigí un patruya di fo’i Barcadera te/ ku Arashi.
Aki, durante patruyahe a tira bista riba komportashon di vehíkulonan.
Mas aleu no a topa niun partikularidat.
=======================
SCP a dirigí patruya na e adrès Miraflorstraat en konekshon ku un outo sospechoso, ku tabata stashoná den garashi di un  kas.
Na e sitio, polisnan a papia ku e doño di kas.
El a deklará ku ora el a yega kas, el a mira un outo pretu stashoná den su garashi. El a spanta, sigui kore i a bèl polis.
Na yegada di polis, ya e outo menshoná a bai.
E hòmber S, no por a mira e marka ni modèl di e outo.
A tuma e datonan i a pone SCP na altura di e kaso.
=======================

This site uses Akismet to reduce spam. Learn how your comment data is processed.

error: Content is protected !!
%d bloggers like this: