Orashon djarason 1 di febrüari 2017

Orashon djarason 1 di febrüari 2017

Den boso lucha kontra piká, boso no tabatin nodi ainda di lucha te na morto. Ya boso a lubidá loke Dios a bisa boso, su yunan, pa kurashá boso. Den Skritura E ta bisa: ‘Mi yu, no despresiá korekshon ku bini di Señor, i no pèrdè kurashi ora E kastigá bo. Pasobra Señor ta koregí esun ku E ta stima, E ta kastigá tur esnan ku E ta aseptá komo yu.’ Soportá loke boso ta sufri, komo korekshon: Dios ta trata boso manera yu. Na e momento ku un hende ta haña kastigu, e no ta gusta; al kontrario, e kastigu ta hasié tristu. Pero esnan ku a keda formá dor di e kastigu, despues lo disfrutá di su fruta, esta pas, pasobra nan ta biba di akuerdo ku boluntat di Dios. Hisa bo mannan slap anto i rèk bo rudianan tembloroso. Kana riba kaminda règt; e ora ei loke ta lam lo no sali for di lugá, pero kura. Hasi esfuerso pa biba na pas ku tur hende i trata di biba santu. Es ku no biba santu, no ta mira Señor nunka. Tene kuidou pa ningun hende no bira lomba pa grasia di Dios. Tene kuidou pa amargura no krese manera yerba shimaron, kousa inkietut i venená henter komunidat.
Hebreonan 12:4‭-‬7‭, ‬11‭-‬15 

​