Rapòrt Hòspital Nobo

Rapòrt Hòspital Nobo

Parlamentario Eduard Braam ta hasi apelashon na minister enkargá ku salubridat Públiko, Medio Ambiente i Naturalesa pa pone e rapòrt relashoná ku konstrukshon di nos hòspital nobo na disposishon di parlamentu. Ta trata di e rapòrt ku e kompania di abogasia FCW legal a koordiná huntu ku un kompania di Bèlgika (VK Architect Enginering), kual minister Z. Jesus Leito ta dispone di dje pa algun tempu kaba.

Ta trata di un rapòrt ku mester a trese aklarashon den kosnan ku posiblemente por afektá konstrukshon di e hospital nobo. Lamentablemente, e rapòrt aki te ainda no a haña publisidat, di forma ku pueblo no ta na altura ta kiko ta pasando ku konstrukshon di nos hòspital nobo. Konstrukshon di nos hospital nobo ta di sumo importansia pa un funshonamentu efektivo i efisiente dentro dje kadena di salubridat, ta p’esei Braam ke sa ta kiko konkretamente a wòrdu konstatá den e rapòrt pa asin’ei huntu nos por buska solushon kaminda tin mester.

Te ainda tur informashon ku pueblo di Kòrsou ta dispone di dje ta a base di artíkulonan ku a sali den medionan di komunikashon. E lokual ku mas a preokupá Braam ta e kiebro di relashon entre “Stichting Ontwikkeling Nederlandse Antillen” (SONA) i Usona/Berenschot.
No tin un indikashon konkreto kiko eksaktamente a sosodé i ku esaki lo tin efekto pa ku e proyekto den su totalidat. Braam ta boga pa un solushon di e konflikto aki mas pronto ku ta posibel, pa asin’ei evitá un posibel tardansa den e konstrukshon di e hòspital nobo.

Parlamentario Braam a manda un karta pa minister di Públiko, Medio Ambiente i Naturalesa, ku e siguiente preguntanan.

Pregunta:
1. Ta importante pa pueblo sa kual ta e fecha ku e hòspital nobo lo ta kla. Minister por splika esaki?
2. Mi a tuma nota ku tin problema entre diferente organisashonnan ku ta responsabel pa e konstrukshon di nos hospital nobo. Minister por splika si esaki por kousa tardansa di e konstrukshon?
3. Si akaso tin tardansa riba e konstrukshon, minister por splika si tin efekto riba e kosto total di e proyekto i si gobièrnu a tene kuenta ku esaki den nan presupuesto?
4. Nos a tuma nota den prensa ku riba instrukshon di minister di salubridat, Sona mester a drai bek nan desishon tokante kiebro dje kontrakt ku Usona/Berenschot. Mi ke sa si esaki a tuma lugá kaba i ki konsekuensia esaki lo tin pa ku e fecha di apertura di nos hospital nobo?
5. Sra. Minister por splika si tin kosto envolví pa gobièrnu, sea kaso terminá e kontrakt entre Sona i Usona/Berenschot?
6. Sra. Minister por splika kuantu rapòrt tin traha riba proseso di konstrukshon di hòspital nobo i kuantu esakinan te ainda a kosta gobièrnu ?

braam

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: