Lès di PowerPoint pa mucha Un workshop di CBOS.

Lès di PowerPoint pa mucha Un workshop di CBOS.

WILLEMSTAD – Caribbean Back Office Services (CBOS) ta bai kuminsa ku lèsnan di PowerPoint spesial pa mucha entrante otro siman djamars 7 di febrüari.
Ta asina ku avansé teknológiko den enseñansa ta pone ku e forma ku nos muchanan ta duna nan presentashon na skol den tempu di awor, ta otro for di algun aña pasá. Varios skol aki na Kòrsou ta pidi mayornan pa traha un presentashon riba kompiuter den e programa ‘PowerPoint’. Sinembargo, hopi mayor no tin e konosementu di kon pa traha ku e programa aki òf simplemente no tin e tempu pa kreá e presentashon. Ideal ta si e mucha mes por traha riba su presentashon na momentu ku e tin turno oral na skol. Tur mucha ku forma parti di e lèsnan di PowerPoint pa mucha ta siña kon pa traha ku e programa di moda ku e mes por hasi esaki kaba biaha ku un tin un presentashon na skol.
Pa fasilitá mayornan ku tin e skema poko pisá di trabou i otro kompromiso, CBOS ta brinda e posibilidat pa kada mucha ku tin 10 aña òf mas, siña traha su propio presentashon riba kompiuter. Alabes esaki ta un tremendo oportunidat pa nan kuminsa prepará pa skol avansá kaminda nan mester bai duna muchu mas tantu presentashon. E bon ta ku nos yunan ta maestro den traha ku ekiponan elektróniko manera telefon, Ipad, PlayStation i hopi mas. Esaki sigur ta hasi e lèsnan hopi mas fásil i komprendibel. E lèsnan di PowerPoint pa mucha ta tuma lugá riba 7, 14, i 21 di febrüari 2017 na OTC School (Saliña Galleries B-202/6). Mayornan ku ta deseá pa nan yu tambe partisipá por tuma kontakto na 5233310. Tambe por registrá pa medio di e formulario di registrashon optenibel riba nos página di Facebook.
Pa mas detaye tokante e kampaña bishitá nos página di Facebook òf http://www.cbos-curacao.com