“ COS TA SUPERCAYENTE DEN SENO DI AVP …..FINAL NA HORIZONTE….HOPI TA SPANTA !”

BENNY NISBET (PPA):
“ COS TA SUPERCAYENTE DEN SENO DI AVP …..FINAL NA HORIZONTE….HOPI TA SPANTA !”
Mientras cu Lider Politico di AVP mr. Mike Eman den su calidad di Min Pres ta hasciendo tur cos cu no ta forma parti di su tarea como Min Pres……..e.o. pone luz den bario cual ta tarea di Elmar, viaja pa Colombia pa conta pajaro…….bailia cu un ‘dama di medecina’ den exterior …..etc…. den gobierno di AVP situacion ta supercayente.
Hopi info ta jegando seno di nos organisacion for di diferente skina di e partido berde…Un malcontento di otro mundo pasobra simpelmente falta di Liderazgo. Min Pres…Lider di partido tin mas atencion pa otro asunto pero no pa duna liderato ni na su gobierno su fraccion den parlamento y na su partido.
Mientras tanto criminalnan ta domina nos sociedad di Aruba. Ladronan ta kana liber den majoria districto di nos pais y ta hasi y deshaci. Ta nan ta manda mientras autoridad ta man mara pa falta di liderato iniciando cu Min Pres Mike Eman y Ministro di Justicia Arthur Dowers.
Esaki a conduci cu miembro di parlamento sra Clarisa Velasquez lo a fada di e critica cu nan parlamentarionan di AVP ta ricibi di pueblo cu a fada di e situacion aki. Info ta jega nos cu varios miembro di parlamento di AVP a worde sundra den publico, insulta y ta ricibi jamada cu mensahe cu nan no ta sirbi y nan AVP no mag di regresa.
No kabe duda cu esaki tin miembro di AVP fada y a causa cu miembro di Staten sra Clarisa Velasquez (AVP) lo a fada y manda un senjal fuerte den direccion di Ministro di Justicia mr. drs. Arthur Dowers cu si e no actua E lo kita su sosten di djele !!
Informacion cu PPA tin directamente di seno di AVP ta…..cu varios miembro di Staten di AVP a expresa nan mes …durante e ultimo dos siman na nan Liderato cu sim ester bin cambio lo e no ta di ministro Arthur Dowers so…..lo mester cambia varios otro Ministro na mes momento e.o. nomber di Ministro Benny Sevinger y Minister Mike de Meza cu varios miembro di Staten ta di opinion cu awor a bai sconde den Ministerio di Turismo despues cu el a faya tanto como ministro di Finanzas como Ministro di asuntonan economico.
Algun miembro di Staten lo a bisa otro ….Si mishi cu Ministro Arthur Dowers….esey lo ta final di AVP pasobra nan lo tuma esaki so pasobra esaki nan ta considera como ‘descriminacion’ . SI kier trece cambio pa salba locual a resta di AVP lo mester cambia a lo menos tres pa cuatro ministro y no mr. drs Arthur Dowers so. Na mes momento ta worde bisa cu esaki lo condusi cu varios miembro di Staten cu ainda ta dispuesto pa regresa riba lista di AVP lo no hasi esaki.
Un fuente di AVP a informa nos cu sra. Clarisa Velasquez ja a declara cu E lo no regresa y como tal E no ta preucupa ki problema e causa den seno di AVP prome cu su tempo jega pa bai.
PPA entodo caso ta comparti e pensamento cu varios ministro di AVP nan maneho ta asina malo cu nan mester worde baha publicamente den Staten e.o. ministro Dowers pa un maneho fatal riba tereno di Justicia/Criminalidad pero tambe sr. Ministro Benny Sevinger pa su maneho pa cu tereno y Ministro Mike de Meza alias THE MESS su maneho cu a crea e debe financiero nacional cu Aruba tin….e hedging cu ta pone cu pueblo ta paga tres vez e suma cu lo mester paga pa ‘awa y corriente’ y e hecho cu majoria ganashi di fondo di Lotto pa Deporte lo ta bai Canada en vez di keda pa deporte di Aruba. Fuera di esey ministro de Meza a faya como ministro di Economia den tur sentido di palabra ….como min di Energia …futuro lo demonstra si e apertura di e Upgrader tabata pa sirbi bienestar general di Aruba of bienestar general di saco ajeno na bienestar di Aruba.
Entodo caso PPA ta di opinion cu a jega e momento pa henter gabinete Mike Eman (AVP) bai cas …pueblo a sufri suficiente kaba. Mare miembro di parlamento sra. Clarisa Velasquez por ‘pull the plug’ no riba Dowers so pero riba mas ministro cu simpelmente ta un fracaso. Y tur esaki pasobra AVP y gobierno di Aruba y nan fraccion den Staten no tin Liderato. E Lider ta hasi trabow di Elmar pa pone luz den districto…..E lider ta bai wak pajarito na Colombia …y e Lider ta bailia cu un ‘dokter di medicina’ den exterior ,.,.,envez di guia y goberna pais Aruba y pesey mes….su tempo pa e bandona e sitio di Ministro Presidente tambe a jega….palabra ta na sra. Clarisa Velasquez y otro miembro di parlamento di AVP cu ta hasi como sifuera nan ta defende gobierno pero den nan curazon nan a fada masha dia kaba…..!! ‘Saca e plug’ y manda e gobierno Mike Eman pa historia y duna palabra na pueblo di Aruba.

Aruba, 5 di februari 2017 Lider Politico di PPA
BENNY NISBET

logoppa

This site uses Akismet to reduce spam. Learn how your comment data is processed.

%d bloggers like this: