Miéntras ku ainda no a manda dokumentonan: MINISTER CAMELIA ROMER TA LAGA POSPONE HOORZITTING KU AVA AIRWAYS

Miéntras ku ainda no a manda dokumentonan: MINISTER CAMELIA ROMER TA LAGA POSPONE HOORZITTING KU AVA AIRWAYS

WILLEMSTAD – Djabièrnè awor dia 17 di febrüari pa 2 or di atardi, lo mester a tuma lugá e asina yama “hoorzititng” entre Minister di VVRP Suzy Camelia Romer i su hendenan i delegashon di AVA Airways Curaçao. A yega na e fecha aki den e kaso di Korte ku AVA a kuminsá algun dia pasa, kaminda un dje dos abogadonan di Gobièrnu a primintí di lo manda tur dokumento i ku dia 17 di febrüari lo tabata tin e asina yama hoorzitting.

Durante e kaso di Korte aki, Abogado di Gobièrnu a bisa k upa mas tardi un siman promé ku e hoorzitting, esta djabièrnè último ku tabata dia 10 di febrüari 2017, Abogado di AVA Airways lo a risibí tur dokumento ku a manda pidi for di desèmber 2015.

Sin embargo te ku e dia di awe, ningun di e dokumentonan aki no a yega den poder di nos abogado mr. Chester Peterson, miéntras ku di parti di Gobièrnu i Minister awor demisionario Suzy Camelia Romer a manda pidi pa kanselá e hoorzitting te ku komienso di luna di mart próksimo.

For di dia 30 di desèmber 2015, Abogado Chester Peterson a manda pidi no menos ku 10 dokumentonan relevante na nòmber di su kliente AVA Airways, pero te ku e dia di awe no a sa di entrega ningun. Ta trata aki di e siguiente 10 dokumentonan:

1. Konseho di SOAB, esta esun ku ta referí na e karta d direktor di CCAA na su kliente di dia 21 di ougùstùs 2014;
2. Konsehonan adishonal di SOAB di fecha 10 di desèmber 2014
3. Konseho adishonal di SOAB di dia 19 di febrüari 2015
4. Konseho di direktor di CCAA di dia 24 di febrüari 2015
5. Konseho di Sektor Directeur di VVRP di dia 23 di mart 2015
6. Konseho di Banko Sentral di Kòrsou i St. Maarten di dia 7 di ougùstùs 2015
7. Konseho di SOAB di dia 2 di Sèptèmber 2015
8. Konseho di Banko Sentral di Kòrsou I St. Maarten di dia 23 di òktober 2015
9. Konseho di direktor di CCAA di dia 14 di desèmber 2015
10. Un rapòrt forensiko no fecha i no identifiká
Apesar ku abogado di Gobièrnu di Kòrsou ku tabata den representashon di Ministerio di VVRP a primintí e dokumentonan aki pa dia 10 di febrüari último, te ku e dia di awe esaki no a tuma lugá, loke a pone ku siman pasa Abogado Chester Peterson a tuma kontakto ku nan.

A argumentá ku nan nota kla ainda i ku na e mes un momento ta pidi pa posponé e hoorzitting di djabièrnè awor pa un fecha den luna di mart.

AVA Airways mediante di su abogado a bai di akuerdo pa kambio di fecha di e hoorzitting aki.

AVA Airways tin fe ku hustisia lo prevalesé for di e hoorzitting aki, kaminda, klaramente nos lo demostrá ku e kompania di aviashon aki a keda inhustamente trata pa Minister demisionario Suzy Camelia Romer.

Atentamente

Giovanni Atalita
Presidente di Hunta
AVA Airways Curaçao