Bunita gesto na Siloam i SGR Groep riba Dia di Colonel Sanders 

Bunita gesto na Siloam i SGR Groep riba Dia di Colonel Sanders 

 

 

WILLEMSTAD- SEPT-  Djabièrnè ultimo, dia 9 di sèptèmber, KFC mundialmente a selebrá fecha natal di su Colonel Sanders. Kòrsou no tabata un eksepshon.  Colonel Sanders a nase riba 9 di sèptèmber di aña 1890 na Henryville, Indiana. E aña aki e popular figura i kreador di e reseta úniko di 11 ingrediente di KFC lo a selebrá 132 aña di edat. Den kuadro di esaki KFC Kòrsou a hasi un donashon na dos instansia, ámbos a risibi ANG 2,500- respektivamente. Sr. Humberto Gallego e Colonel Sanders pa KFC Kòrsou kompañá pa Surella Veeris i Randy Maurera di Hucor Holding a bishitá Vrienden van Verriet (SGR-Group) i Stichting Klein Jeruzalem (Siloam) djabièrnè ultimo pa sorpresá nan ku e gesto. “Nos ta masha kontentu di por hasi e gesto aki. Colonel Sanders ta un personahe masha kerí i hasi e donashon riba su kumpleaño ta únikamente añadí balor na e marka di KFC aki na Kòrsou. Nos komunidat stima KFC, i pa esaki nos ta masha agradesido. Ta na su lugá pa komo siudadano empresarial debolbé e kariño. Nos ta deseá tantu SGR Groep i Siloam hopi éksito ku e trabounan i ta gradisí nan pa tur esfuerso hasí. Kòrsou por sigui konta ku KFC.” Riba fotonan athunto un bista di e momentu ku a hasi e donashon na ámbos instansia.

 

Bishitá e página di facebook www.fb.com/kfc pa oferta,  kampañanan dinámiko i e menú tan gustá! Disfrutá di bo KFC na e restorant mas serka di bo; Sta. Maria, Sta. Rosa, Brionplein, Colon, Punda i Saliña. Tene kuenta ku KFC Brievengat ta será pa renobashon!