“E SITUASHON POLÍTIKO/GUBERNAMENTAL AKTUAL I NOS AREGLO DI ESTADO” djamars 21 di februari 2017 na Sentro di bario Souax

“E SITUASHON POLÍTIKO/GUBERNAMENTAL AKTUAL I NOS AREGLO DI ESTADO” djamars 21 di februari 2017 na Sentro di bario Souax

Ku e meta pa amplia konosementu di habitantenan di Souax i bisindario en partikular i siudadanonan di Kòrsou en general, riba tópikonan di karakter huridiko direktiva di Fundashon Pro Souax ta kuminsá djamars 21 februari próksimo ku un proyekto nobo.
Ta trata di e siklo “Charla riba Tópiko Hurídiko”. Durante e charlanan aki profeshonalnan ku konosementu legal riba tereno di un tópiko spesífiko lo kompartí nan konosementu ku habitantenan di Souax i bisindario en partikular i pueblo di Kòrsou en general.

Pa e promé charla hurídiko djamars awor 21 di febrüari, e tópiko lo ta:
“E situashon polítiko /gubernamental aktual i nos Areglo di estado” i e oradó lo ta mr. Frank Hanze. Mr. Hanze un hurista lokal ku konosementu di e materia entre otro lo trata: e akontesimentunan di último tempu den e area di gobernashon, inkluso e akshon- i reakshonnan vice-versa di gobièrnu i parlamentu i lo duna un splikashon di e artíkulonan aplikabel i relevante di nos Areglo di Estado.
Durante e charla ku lo ta di 7or pa 9or na Sentro di bario Souax, mr. Hanze lo indiká tambe kiko e ta opiná di e situashon di gobernashon aktual di Kòrsou i kon lo por yega na un solushon.
Moderadó lo ta mr. Juny Sluis, presidente di Fundashon Pro Souax. Entrada ta grátis i lo tin amplio oportunidat pa hasi pregunta.
Habitantenan di Souax i bisindario en partikular i pueblo di Kòrsou en general ta keda kordialmente invitá na:

Promé charla di e siklo “Charla riba tópiko hurídiko”

Tópiko : “E situashon polítiko /gubernamental aktual i nos Areglo di estado”
Oradó: mr. Frank Hanze
Moderadó: mr. Juny Sluis
Dia: djamars 21 di februari 2017
Ora: 7or pa 9or na Sentro di bario Souax
Entrada: GRÁTIS i un i tur ta bon biní