Hustisia a Prevalesé: Kas na Kaya Hose i Naña 10 ta Bini Bek na Fundashon Kas Popular

 

 

Hustisia a Prevalesé: Kas na Kaya Hose i Naña
10 ta Bini Bek na Fundashon Kas Popular

Willemstad, 18 di yüni 2025 Gerensia di Fundashon Kas Popular (FKP) ta ekspresá su
satisfakshon ku hustisia a prevalesé den desishon resientemente tuma pa Hues den e
kaso ku sra. A. Merien-Martha di Fundashon E Hende a entamá kontra FKP i Gobièrnu.
Sra. Merien a eksigí pa Gobièrnu bende e kas na Kaya Hose i Naña 10 na su persona.
Segun su petishon di dia 27 di yüni 2017, sra. Merien tabata pretendé ku e tabata den su
derechi pa haña e kas. Sinembargo den un karta ofisial di dia 8 sèptèmber 2017,
Gobièrnu a pone kla ku e petishon a wòrdu rechasá, pa motibu ku e kas ta un kas
supsidiá destiná pa hende ku un ingreso limitá, i sra. Merien no ta forma parti di e grupo
aki. Aparte di esaki, sra. Merien no ta biba realmente den e kas i desde aña 1984 ta den
posishon di un propiedat na Bonam finansiá pa nan mes.
Den e veredikto di dia 9 yüni 2025, Hues a disidí lo siguiente:
1. A deklará sra. Merien inatmisibel den nan demanda kontra e Minister.
2. A rechasá e demanda kontra di FKP i Gobièrnu.
3. A kondena sra. Merien pa pago di gastunan pa ku e kaso den korte
4. A disolvé e kontrato di hür entre sra. Merien i FKP.
5. A ordená sra. Merien pa sali for di e kas na Kaya Hose i Naña 10, i entrega e yabi na
FKP.
6. A kondena sra. Merein pa paga dañonan ku FKP a sufri.
Ku e desishon aki, e kas ta bini bek den man di FKP, i por sirbi pa un persona ku ta
realmente den nesesidat di un kas i ku ta riba e lista largu di espera di FKP.
Nos ta sigui traha pa garantisá ku e fondonan públiko i kasnan supsidiá ta yega na esnan
ku berdaderamente mester di un dak riba nan kabes.
Atentamente
Gerensia di Fundashon Kas Popular