Orashon djasabra 18 di febrüari 2017

Orashon djasabra 18 di febrüari 2017

Fe ke men ku nos ta sigur di e kosnan ku nos ta spera di risibí i ku nos ta konvensé di e realidat ku nos no ta mira. Debí na tal fe Dios a duna bon testimonio di hende di ántes. Pasobra nos tin fe, nos ta komprondé ku Dios a krea universo pa medio di su palabra: ke men ku loke nos por mira a nase for di loke nos no por mira. Pasobra Abel tabatin fe, el a ofresé Dios un mihó sakrifisio ku Kain a ofresé. Pa motibu di su fe Dios a deklará ku Abel tabata hustu i Dios a aseptá su sakrifisionan. Pa medio di su fe Abel ta papia awor akí ainda, maske el a muri kaba. Pasobra Henok tabatin fe, Dios a kit’é for di e bida akí promé ku el a muri. No por a hañ’é mas, pasobra Dios a tum’é serka djE. Skritura ta bisa ku, promé ku Dios a tum’é serka djE, e tabata biba segun boluntat di Dios. Si un hende no ta kere den Dios, ta imposibel pa e hasi loke Dios ke. Pasobra es ku ke bai serka Dios, mester kere ku E ta eksistí i ku E ta rekompensá esnan ku ta busk’É. Pasobra Noe tabatin fe, el a tuma Dios na serio, ora El a atvertié pa kos ku ainda no por a mira. El a konstruí un arka pa salba su famia. Su bida di fe a kondená e otro hendenan riba mundu, pero a pone ku Dios a aseptá é komo hustu.
Hebreonan 11:1‭-‬7 

This site uses Akismet to reduce spam. Learn how your comment data is processed.

%d bloggers like this: