MINSTERIO PUBLIKO TA INFORMA: FINDISHI OM SI ARTIKULONAN KONFISKA.

Info OM:

Findishi OM di artíkulonan konfiská
Ministerio Públiko (OM) Kòrsou ta start na luna di mart ku un findishi online di artíkulonan konfiská dor di polis, Afpakteam Kòrsou i Ministerio Públiko (OM). Ta trata di artíkulonan manera outo, boto, Seadoo/jetski, motosaikel i motor di boto. 

E findishi ta bai tuma lugá online via e wèpsait di e kompania BVA Auctions. Tur artíkulo por keda mirá durante un asina yamá “kijkdag”. Un “kijkdag” ta netamente pa interesadonan por mira e artíkulonan na benta. Por mira e outo i trùknan riba djárason 1 di mart 2017 di 10:00 pa 16:00 or na Winston Churchillweg (Rio Canario) i riba djaweps 2 mart 2017 di 10:00 te 16:00 or e boto i Seadoo na Baai Macolaweg (Parera) riba tereno parti patras di Marina Real.

Interesado den un òf mas artíkulo tin ku bied via e wèpsait, pues online. E findishi ta sera 9 di mart 2017. Pa mas informashon bishita e wèpsait via e link: 

https://bva-auctions.com/auction/index/23297    
E findishi online ta pa: un Audi Q5, Audi A5-S-line, Toyota Tundra, Toyota Hi-Lux, BMW 7 serie, 4 Nissan Murano, Mercedes CLK AMG, Mercedes CLS 320, Mercedes E320, Mercedes ML-klasse, Acura, trùk DAF ku kran  Palfinger, trùk International ku kran Palfinger, 5 Seadoo jetski’s, boto piskadó, spitbot, boto di palu,  7 Yamaha 40pk motor di boto, motosaikel Suzuki Hayabusa, motosaikel Harley Davidson, vários skuter i motosaikel,  Toyota Landcruisers, trùk i outo pa trabou di marka Hyundai, Volkwagen Golf i un outo Mitsubishi.