​Info OM: Djárason 22 di febrüari ta bai trata 2 kaso importante di forma “pro-forma”.

Info OM: Djárason 22 di febrüari ta bai trata 2 kaso importante di forma “pro-forma”.

E promé kaso ta 09:30 or i ta trata 3 persona ku ta ser sospechá di trafikashon di droga i poseshon di arma di kandela, anto spesífikamente dia 22 di òktober 2016 na momentu ku nan a keda detené relashoná ku trafikashon di 429 kilo di kokaina via airopuerto Hato. E sospechosonan ku tin ku presenta den Korte djarason ta M.T., E.W., i K.A. Nan ta prosedente di Kòrsou i Turkia.

E otro kaso pro-forma ta 14:00 or i ta trata di 2 hòmber ku ta ser sospechá di asesinato di 3 persona riba lugá pa stashoná outo di Campo Alegre dia 24 di yüli 2016 na unda Richenel Emerencia, Cristen Leonard i Irvin Rosa a pèrdè nan bida a konsekuensia di tirunan for di arma di kandela. E akusashon kontra e sospechosonan G.G. i S.T. ta asesinato i poseshon di arma di kandela.