Advertisements

Orashon djadumingu 26 di febrüari 2017

Orashon djadumingu 26 di febrüari 2017

Niun hende no por sirbi dos shon, pasobra lo e odia esun i stima e otro. Lo e pega un na su kurason i menospresiá e otro. Ta imposibel sirbi Dios i plaka tambe. Mi ta bisa boso: No preokupá pa boso bida, esta si boso tin di kome òf di bebe. Ni tampoko si boso tin paña pa boso bisti. Akaso bo bida no ta bal mas tantu ku kuminda i bo kurpa mas tantu ku paña? Wak e paranan den laria; nan no ta sembra ni kosechá, ni nan no ta warda nada den mangasina. Ta boso Tata den shelu ta duna nan di kome! Boso no ta bal mas tantu ku para? Ni maske kuantu boso preokupá, ta kua di boso lo por rèk su bida niun krenchi? I pakiko boso ta preokupá ku bistimentu? Paga tinu kon e flornan di mondi ta krese. Nan no ta hasi trabou ni traha tela. Sinembargo Ami ta bisa boso ku ni rei Salomon den tur su grandesa no tabata bisti mes bon ku un di nan. Si Dios ta bisti flor di mondi ku awe t’ei pero mañan ta bai tirá den fòrnu, bunita asina, kuantu mas lo E bisti boso, hende di poko fe. P’esei no preokupá i puntra: “Kiko nos ta kome? Kiko nos ta bebe? Kiko nos ta bisti?” Pasobra ta e paganonan ta kore tras di tur e kosnan akí. Boso Tata den shelu sa ku boso tin mester di tur e kosnan akí. Buska reino di Dios i buska pa hasi su boluntat promé i boso ta haña tur e sobrá kosnan akí aserka. Pues, no preokupá pa e dia di mañan, pasobra e dia di mañan ta preokupá pa su mes problemanan. Kada dia tin sufisiente problema di su mes.
Mateo 6:24‭-‬34 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: