KOMUNIKADO DI KUERPO POLISIAL KÒRSOU Polis ta bai intensivá kontrol riba kaya.

KOMUNIKADO DI PRENSA 133 / 2020
1 aprel 2020
Polis ta bai intensivá kontrol riba kaya.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Polis lo bai sigui intensivá kontrolnan riba kamindanan públiko i na sitionan unda tin
aglomerashon di hende.
Pa por keda garantisá ku e vírus di Corona no ta sigui plama, polis ta bai aktua represivo dor
di detené personanan ku no mester ta riba kaya òf no por proba ku nan ta riba kaya pa un
kaso di urgensia òf nesesidat konforme e Dekreto Ministerial no. 28/2020.
Te ainda polis ta konstatá ku sigur den oranan durante di dia tin muchu trafikashon riba
kaya i durante di kontrol ta resultá ku tin un kantidat di e personanan aki, ku no por duna
un deklarashon aseptabel di nan presensia riba kaya.
Den e promé dianan di e siman aki ya kaba polis tabata tolerante, a konsientisá bastante i
sufisiente informashon a keda duná di parti di kanalnan gubernamental.
Polis ta bai aktua awor hopi mas severo. Pues si no ta nesesario òf urgente pa bo ta riba
kaya, KEDA BO KAS!